影片
更多
2021-09-16
74 瀏覽
今晚特登入元朗，梗係有好野啦，仲約埋男男女女一齊去滾😂做番一晚大滾友，九點左右來到，好多食客都未走，我哋等左十五分鐘左右先有枱，無計啦，呢間餐廳係元朗好出名，晚晚都坐無虛席架，無他嘅，抵食又好味，而且坐得舒服，招呼又好，相信大家都會認同👍🏻打邊爐湯底就最緊要，我極力推薦大家呢個招牌花膠雞湯鍋，絕對係一試難忘🥰今晚四個人，揀左全隻雞份量，上枱比客人睇，全部真材實料，冇花冇假，真係睇見都開心🥳你睇吓啲花膠多到，侍應好細心咁剪開適當嘅大小，放入去湯裏面，一路望住，一路啲口水不斷分泌出嚟，真係口水流架😂雞件已經預先煮到八成熟，客人可因應自己嘅速度，只需放入鍋內分零鐘，嘩！入口肉香而嫩滑，配上濃湯同花膠，真係正到不得了👍🏻👍🏻👍🏻再來呢個牛肉大拼盤，真係覺得自己做緊皇帝嘅感覺，個器皿係個龍頭，上枱好有氣派，望到都特別興奮，個個爭住影相，而且有齊靚牛嘅各個部分，份量十足，我哋幾個都食得好滿足，特別係毆嘅質素真係好高水準😋Order左餃子拼盤，肉丸拼盤，都係呢度招牌菜，全部自家製，自家手打，新鮮好味😋特別係個鮮蝦餃，真真正正嘅鮮蝦，淨係呢度先有得食㗎，真係一定要試吓👍🏻👍🏻👍🏻蔬菜🥬籃都靚過人，而且
做番一晚大滾友，九點左右來到，好多食客都未走，我哋等左十五分鐘左右先有枱，無計啦，呢間餐廳係元朗好出名，晚晚都坐無虛席架，無他嘅，抵食又好味，而且坐得舒服，招呼又好，相信大家都會認同👍🏻
打邊爐湯底就最緊要，我極力推薦大家呢個招牌花膠雞湯鍋，絕對係一試難忘🥰
今晚四個人，揀左全隻雞份量，上枱比客人睇，全部真材實料，冇花冇假，真係睇見都開心🥳
你睇吓啲花膠多到，侍應好細心咁剪開適當嘅大小，放入去湯裏面，一路望住，一路啲口水不斷分泌出嚟，真係口水流架😂雞件已經預先煮到八成熟，客人可因應自己嘅速度，只需放入鍋內分零鐘，嘩！入口肉香而嫩滑，配上濃湯同花膠，真係正到不得了👍🏻👍🏻👍🏻
再來呢個牛肉大拼盤，真係覺得自己做緊皇帝嘅感覺，個器皿係個龍頭，上枱好有氣派，望到都特別興奮，個個爭住影相，而且有齊靚牛嘅各個部分，份量十足，我哋幾個都食得好滿足，特別係毆嘅質素真係好高水準😋
Order左餃子拼盤，肉丸拼盤，都係呢度招牌菜，全部自家製，自家手打，新鮮好味😋特別係個鮮蝦餃，真真正正嘅鮮蝦，淨係呢度先有得食㗎，真係一定要試吓👍🏻👍🏻👍🏻
蔬菜🥬籃都靚過人，而且價錢經濟又實惠，所以佢人山人海係有佢嘅道理😊
而且唔同時段有唔同嘅優惠，9:30之後仲有七五折，今晚真係食得盡情又高興，無得頂👍🏻
張貼
