北海道爐端燒 (已結業)

講喺日本餐,當然要食壽司同刺身啦!但今次就特別一啲,就試吓食甲羅燒！到尖沙咀呢一間，裝修好日式，就好似一間居酒屋既要甲羅燒餐廳！今次同朋友一齊食，我點左一個壽司拼盤、串燒拼盤，以及蟹子甲羅燒！壽司拼盤係廚師發板，有兩種最好食嘅，莫過於三文魚和帶子壽司！三文魚肥瘦均勻，而帶子帶有新鮮嘅海水味道，非常容易入口呀！至於蟹子甲羅燒，就係我第二次食！餐廳不會幫你將佢燒熟，需要每個食客落手落腳將蟹蓋和蟹膏燒熟呀！先將鵪鶉蛋和蟹膏撈勻，再放喺燒烤爐燒5分鐘左右！在蟹膏完全燒熟，就即刻可以入口。食入口，味道非常濃郁，濃郁嘅味道就係蟹膏嘅香味！鵪鶉蛋嘅蛋漿，就令口感非常滑口，值得一試！