強記美食 (已搬遷) 新店位置

廿年前，我在灣仔馬師道返工的時候，已經幫襯強記，而它當時是在駱克道一間粉麵店前放著門口的一個車仔檔，平時只會在晚上六點後開到零晨五點。當它搬到現址，我已經離開了灣仔區了。今次有機會再來灣仔，當然要幫襯一下，當然就一定要吃最出名的糯米飯，糯米飯放在車仔檔蒸得好熱，當客人落單才盛在碗上，糯米唔會太軟又不太硬，而蝦米粒，潤腸粒，臘腸粒，冬菇粒都好多，而且經過炒香，因此它的香味好香，一個字：正👍至於其他食物，我就最欣賞它的喳喳，芋頭、紅腰豆好多，唔太甜，已經煲到起沙，入口溶化😋