156
47
16
港鐵銅鑼灣站 B 出口, 步行約5分鐘 繼續閱讀
電話號碼
25725207
開飯介紹
提供多款港式美食,如豆卜芽菜豉油王炒麵、煎蝦米腸粉及腐竹薏米糖水等。特別推介臘味糯米飯,材料豐富,飯粒分明。 繼續閱讀
獎項殊榮
米芝蓮街頭小食 (2016-20)
營業時間
今日營業
12:00 - 22:00
星期一至日
12:00 - 22:00
付款方式
現金
座位數目
20
其他資料
電話訂座
室外座位
電視播放
食評 (244)
等級4 2021-03-31
1849 瀏覽
以前返學嗰時間中都會經過見到呢間小店,都會見到店舖嗰個充滿蒸氣嘅爐,印象中只食過一次燒賣,覺得燒賣普通所以無特登行去呢度再食,因為佢個位置非常唔起眼,喺灣仔銅鑼灣中間嘅馬師道,但如果係住灣仔銅鑼灣、或者喺附近返工嘅人,應該會知道依間小食店。呢間強記美食係一間歷史悠久嘅小食店,由1950年開業至今,以前係鵝頸橋做車仔檔賣牛雜牛雜粥做到呢家呢個鋪位,到呢家已經有71年歴史,再加上佢係2016至2019年米芝蓮推介嘅小食,所以係一間人氣嘅港式小食店。小店主打糯米飯,而且一年四季都有,以前車仔檔係未有糯米飯,直至1970年益新飯店既大廚教店主既老豆煮糯米飯,除咗糯米飯仲有其他小食同甜品,甜品都係1970年先開始有,因為店主爸爸識左澳門過黎既女士,女士教佢爸爸賣喳咋。之後店鋪就淨係專心整呢幾樣野食,貴精不貴多,店主每日六點起身,用三個鐘煲糖水同糯米飯,只賣幾樣野食已經深得街坊歡心,即使每日收鋪已經12點,每日只係訓3-4個鐘,店主都係覺得值得,因為食客係有要求而黎,個個係為食有水準既野食而慕名而黎,遠至元朗流浮山、澳門、甚至新加坡、印尼、馬來西亞都有,為既係保持水準,見到食客食到個碗乾乾淨淨。從外表上睇依間小食店只做外賣,因為經過只會見到車仔係個鋪前,會特登保留車仔係因為佢地係車仔出身,但見到側邊嘅入口就可以睇到入邊有四至五張圓枱,可以比食客堂食。-1️⃣ 什錦臘味糯米飯💰39(👅: 9/10)加臘腸💰10糯米飯係店舖其中一個招牌,老細整糯米飯既方法都係深得爸爸真傳,但自己係浸米、選米方面有自己方法,新米同舊米會有唔同浸法,熱天浸既水暖D,浸出黎既米會腍D,反而冬天用凍水,浸出黎既米會硬D。選米方面糯米飯都係用泰國米,一年四季都賣糯米飯,但冬天會比夏天賣多D。上枱發覺只係一個碗仔大細既糯米飯,但食落唔係大食既人其實都會飽飽地,因為糯米飯比起一般飯更易飽腹。糯米飯入邊嘅臘味份量算多,有蝦米、臘腸、臘肉、潤腸、冬菇。上枱已經見到出晒煙,因為佢係充滿蒸氣嘅爐入面出來,街頭小食最緊要熱辣辣,糯米飯聞落好香,食落每粒飯都係粒粒分明,飯唔會話太油膩,亦都唔會太腍,佢依種糯米飯嘅口感係我食過覺得最好食,軟韌程度適中。至於佢嘅豉油都唔會太咸,又唔會太甜,調味係平衡得非常之好,臘味臘肉本身嘅油已經滲到去糯米飯入邊,所以食落特別入味特別好食。除咗飯係用泰國米之外,其他用料好講究,臘味都係用本港既臘腸,無論臘腸、蝦米、冬菇都係要用一級,店主強調無好既材料煮唔到靚既野食,臘味同冬菇都係非常入味,臘腸香氣夠口感Q彈,而潤腸有小小酒味,每食一啖都係滿足感,尤其係凍冰冰嘅冬天嚟食更加之滿足。話佢係香港最好食既糯米飯都唔誇張,因為實在諗唔到第二間可以令我印象深刻,想食嗰時就即刻諗起嘅糯米飯。-2️⃣ 香煎蝦米腸粉💰22(👅: 8.5/10)煎腸粉雖然唔係推介,因為無叫豬骨粥所以就叫左個鍾意食既小食。腸粉食落外脆內軟,外表煎到好有油香,有小小焦,食落非常之香口但唔會過於油膩,鑊氣十足,腸粉入面有葱同蝦米,軟綿脆口,再加上甜醬、辣醬、芝麻,已經係發揮得好好既混醬煎腸粉。-3️⃣ 馬來甜品喳咋💰28(👅: 8.5/10)喳咋都係店鋪既招牌,傳統既喳咋已經賣小見小,呢度幾十年都係用同一個方法去煲,每次煲個幾鐘,食一羹就知道係撚手小菜。喳咋煲到起沙,呢樣好多鋪頭都做唔到,入面有芋頭,食落係超級腍超級粉,入口即融,好似食緊雪糕咁。糖水飲落香甜,啖啖都係豆味,因為紅豆已煮到熟爛,而且加左椰絲,味道爽口且多層次,但唔會覺得過甜。質地係濃稠,啖啖都係豐富既材料,唔係交功課淨係得水。-4️⃣ 魚蛋豬皮蘿蔔燒賣💰40(👅: 7/10)因為叫三樣野兩個人食怕唔夠飽,所以叫左呢個小食,本身唔係呢度招牌。全部其實係可以分開叫,魚蛋、豬皮、蘿蔔、燒賣每樣十蚊。呢4款小食都係用咖哩汁,有小小南乳香,食落係入味,特別係蘿蔔同豬皮,魚蛋燒賣就相對無咁入味,豬皮夠軟身,蘿蔔清甜食落無根,但本身味道同口感都係相對其他小食係比較遜色。-🌟招牌仲有花生旺菜豬骨粥,但我同朋友都冇特別鍾意食豬骨粥所以無叫到。食物黎講係水準之上,因為我住港島,所以應該係附近都會間中黎食下,尤其係冬天,因為佢店內算係半室外,所以夏天食會唔會好熱就未知。至於份量方面,如果係小食既人,其實一碗糯米飯應該都夠飽,大食既人可能要糯米飯加腸粉或者喳咋,食完覺得糯米飯、腸粉、喳咋都係比較推介。但腸粉好多地方都出色,所以如果唔係住附近既人,如果你好鍾意食糯米飯或者喳咋,可以黎試一下呢間71年既味道,等呢個香港歷史味道可以留落黎。-👅味道: 9/10🍴環境: 6/10💰消費: 139/2人 (服務費: NA) 繼續閱讀
(以上食評乃用戶個人意見 , 並不代表OpenRice之觀點。)
等級3 2021-09-02
3 瀏覽
通常 街頭小食推介 能登上米芝蓮 會比較爭議 要不非常喜歡 就是超級討厭 能屹立在此70年 對我來說 他的地位是不變的 🥢🥢曾幾何時 瘋狂喜歡上 這裡的 什錦臘味糯米飯 每星期 都要吃幾次 加上我是 炒麵控 強記美食 幾乎就是 我的飯堂 冒著違例泊車 的風險 每晚在糯米飯 炒麵 煎腸粉 沽清前就要買到 😅😅今天午餐時段 也沒有很餓 正好吃幾款 喜愛的小吃 到晚上可吃得較豐富 🍜🍜什錦臘味糯米飯 🍄🍄糯米飯與臘腸 膶腸 臘肉粒比例 恰到好處 調味醬油不多也不少 甜味適中 加上炆至入味 原隻珍珠菇 蔥花 堪稱完美糯米飯 🍚🍚豉油王炒麵 🍜🍜麵質爽彈 炒麵技術出色 碟底沒多少油 味道剛好 灑上芝麻 及炒椰菜伴碟 美味 😋😋煎蝦米腸粉腸粉煎至微焦 加上醬油 芝麻 麻醬 自已還可以混 甜醬 辣醬 好吃不減當年 👍👍豬皮蘿蔔 🥕🥕炆至軟嫰 入味 風味濃郁 🐖🐖我認為 街頭小吃 就是那種 粗糙 風味濃郁 不拘小節 大啖大啖吃 絕不能與 精緻食品相比 但還是有一種莫名的 魔力 讓人常常 想著去吃的 🤤🤤 繼續閱讀
(以上食評乃用戶個人意見 , 並不代表OpenRice之觀點。)
等級2 2021-08-19
0 瀏覽
👇🏻丁丁探店|强记美食|湾仔👇🏻地址:灣仔駱克道382號莊士企業大廈地下点评:🌟🌟🌟🌟🌟人均:39HKD/碗这家店受到大家的一致好评强烈安利大家来试一试顺便推荐一部港片 僵尸里面有提到生炒糯米饭当时看完就很想吃「生炒糯米饭」我们只点了这个最推荐的生炒糯米饭真的超级好吃油油的但又不腻腊肠放的量刚好够多几乎每一口都能吃到不会有只能吃到米的无聊但又不会过多总之就是有锅气的炒糯米饭之后有机会一定还会再来吃的!环境:就是环境稍微差了点只有两三张小桌子 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-24
172 瀏覽
哇 搞邊科啊成日經過見到依間所謂嘅米芝連美食成日都好想試 今次真係試咗啦如無意外都唔會再有下一次第一次幫襯買咗好幾樣嘢豉油王炒麵、蘿蔔魚蛋燒賣同腐竹薏米糖水冇一樣野係特別出色反而有啲嘢仲要令我勁失望豉油王炒麵普普通通蘿蔔魚蛋燒賣普普通通腐竹薏米糖水 完全唔掂豉油王炒麵、蘿蔔魚蛋燒賣完全食唔出有米芝連嘅水準 真係好普通普通到樓下七仔都好食過佢腐竹薏米糖水更加係令我覺得失望第一次食腐竹薏米糖水係冇薏米冇白果剩係得糖水。。。本身諗住都算啦橫掂都買咗返嚟咪照飲啲糖水囉點知試一啖甜到pk即刻覺得自己有糖尿病成碗所謂嘅腐竹薏米糖水飲(食)落去感覺似係飲咗一碗加咗好多糖嘅豆漿。。。其實真係唔想嘥嘢但係甜到咁真係一啖都嫌多以上內容只供參考,可能只係我運氣太差如果你想試嘅,我都唔會阻止,祝閣下好運 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-01
481 瀏覽
又是一家從1950年開業的老店,已經有70年的歷史,一碗糯米饭,每一顆糯米都味道豐富,裡面有碎肉丁,冬菇,香腸,還可以另外再加,我加了!還有馬來渣渣也很好吃,每一口都是香滑口感,裡面還有芋頭,糯糯。怕吃不飽我們點了炒粉🍜,不算驚艷,但是很划算22一大份!調料隨便自己加,我很喜歡那個深色的醬料,甜,就是煎釀三寶的味道🫑🍆🥔,最後還點了咖喱🍛魚蛋和燒麥,滿滿滿足的一餐! 繼續閱讀
(以上食評乃用戶個人意見 , 並不代表OpenRice之觀點。)