影片
更多
2018-07-25
2063 瀏覽
餐廳用味道黎表達，而我反而要用文字。有時候有d味道真係非筆墨能形容，還不如食落口去感受最實際!朋友平時係呢度食lunch，十分推薦，今日經過黎試下冒菜呢個名十分陌生，只聽名的話完全唔知佢係邊一度既菜式睇佢簡介先知原來係平民川菜，而且來頭不小以烏蠅之名相稱，唯有味道深入民心個個讚好! 視為榮譽之名餐廳既台櫈都係簡約為主佈置亦別有一番風味，餐廳某幾個地方都裝左掛牆櫃，一格格放左唔同陶瓷碗，非常靚而窗台位放左好多茶具同盆栽，望落好舒服，另一邊仲有好多茶餅! 但人太多影唔到可能今日週末? 好多湯都無得揀但都唔緊要，川菜食辣湯應該最夠正宗!? 所以我都揀左麻辣湯大辣食材方面睇落唔太特別，希望上台時有驚喜!而我比較重口味，蒜蔥芝麻芫茜都無走，照單全收!麵一上台就知佢重口味!!!超多芫茜同蒜，正!撈起上黎非常香，但食材都係比較普通牛丸，魚皮餃，肥牛，豬潤，大腸，莠珍菇，雞翼，藕片，八個餸56蚊，性價比ok最值得提係佢既湯底! 要左大辣，但佢唔係死辣，既有辣香又有辣味，飲落油而不膩，但唯獨不夠麻食過一間川菜館，老闆對川菜既辣極度認真，指明川菜既辣一定要夠麻!!!鳥蠅館既湯夠香夠濃，辣亦夠惹味，但欠缺一
餐廳用味道黎表達，而我反而要用文字。有時候有d味道真係非筆墨能形容，還不如食落口去感受最實際!
朋友平時係呢度食lunch，十分推薦，今日經過黎試下
冒菜呢個名十分陌生，只聽名的話完全唔知佢係邊一度既菜式睇佢簡介先知原來係平民川菜，而且來頭不小
以烏蠅之名相稱，唯有味道深入民心個個讚好! 視為榮譽之名
餐廳既台櫈都係簡約為主
佈置亦別有一番風味，餐廳某幾個地方都裝左掛牆櫃，一格格放左唔同陶瓷碗，非常靚
而窗台位放左好多茶具同盆栽，望落好舒服，另一邊仲有好多茶餅! 但人太多影唔到
可能今日週末? 好多湯都無得揀但都唔緊要，川菜食辣湯應該最夠正宗!? 所以我都揀左麻辣湯大辣
食材方面睇落唔太特別，希望上台時有驚喜!
而我比較重口味，蒜蔥芝麻芫茜都無走，照單全收!
麵一上台就知佢重口味!!!超多芫茜同蒜，正!
撈起上黎非常香，但食材都係比較普通
牛丸，魚皮餃，肥牛，豬潤，大腸，莠珍菇，雞翼，藕片，八個餸56蚊，性價比ok
最值得提係佢既湯底! 要左大辣，但佢唔係死辣，既有辣香又有辣味，飲落油而不膩，但唯獨不夠麻
食過一間川菜館，老闆對川菜既辣極度認真，指明川菜既辣一定要夠麻!!!
鳥蠅館既湯夠香夠濃，辣亦夠惹味，但欠缺一點麻
另外!!首推四川火鍋面，平時我都係鍾意幼麵好少食粗麵，但呢個麵質不得了!!
真係爽滑彈牙，如果要比較，佢似滿漢大餐個隻麵底，但更滑更彈更爽!
而且掛湯能力超強，每一啖食落都食到湯底既味道
餐飲試下新打，要左普洱奶茶，諗住試下茶味
但唔記得奶茶本身都用紅茶沖....所以入口茶味差不多，係多左少少普洱味
甜度可另加糖水調配，茶飲落好滑，而且奶既濃淡岩岩好，幾好!
張貼
