影片
更多
2018-05-01
127 瀏覽
又係時候兩公婆拍拖了，試過觀塘工廈的食肆唔錯，上open rice睇呢間唔錯咁喎，就訂位去試。 餐廳位於工廈，但一踏出𨋢門就有驚喜！ 餐廳寬敞，裝潢精緻，仲有開揚景觀，未食已經心曠神怡！側邊仲有飛鏢機同桌球，可以成大班知己又食又玩！餐牌係用tablet顯示, 所有主菜可以散叫或加少少錢轉4 course, 我地 叫左德國燒豬手配黑椒汁及北海道帶子黑松露意大利飯, 我地細食，所以只是其中一個主菜轉4 course 。 餐湯係周打魚忌廉湯，我其實麻麻地忌廉湯，但神隊友已經叫侍應拎多隻碗分俾我。我無謂掃興，照飲，估唔到呢個忌廉湯係幾滑溜同香濃，唔錯唔錯。飲落唔會漿住晒個口或者有一舊舊粉咁煮唔透。跟住前菜係 蜜瓜西班牙火腿配黑醋汁，Parma Ham味道濃郁，無豬羶味，用料新鮮。蜜瓜碎加入洋蔥碎，用Parma ham捲住食就夠晒方便又惹味。主菜意大利飯先到，帶子大大粒脹卜卜煎得外脆內軟，好味！ 飯粒分明夠Q彈，火候、醬汁同水份比例配合啱啱好！豬手份量好大，表皮脆卜卜，就好似燒腩仔咁鬆脆，豬手肉質嫩滑唔會鞋，配啤酒一流，所以神隊友真係叫埋啤酒！食完個豬手都有少少飽，記得待應講過甜品師傅係酒店做過
餐廳位於工廈，但一踏出𨋢門就有驚喜！ 餐廳寬敞，裝潢精緻，仲有開揚景觀，未食已經心曠神怡！側邊仲有飛鏢機同桌球，可以成大班知己又食又玩！
餐牌係用tablet顯示, 所有主菜可以散叫或加少少錢轉4 course, 我地 叫左德國燒豬手配黑椒汁及北海道帶子黑松露意大利飯, 我地細食，所以只是其中一個主菜轉4 course 。
餐湯係周打魚忌廉湯，我其實麻麻地忌廉湯，但神隊友已經叫侍應拎多隻碗分俾我。我無謂掃興，照飲，估唔到呢個忌廉湯係幾滑溜同香濃，唔錯唔錯。飲落唔會漿住晒個口或者有一舊舊粉咁煮唔透。
跟住前菜係 蜜瓜西班牙火腿配黑醋汁，Parma Ham味道濃郁，無豬羶味，用料新鮮。蜜瓜碎加入洋蔥碎，用Parma ham捲住食就夠晒方便又惹味。
主菜意大利飯先到，帶子大大粒脹卜卜煎得外脆內軟，好味！ 飯粒分明夠Q彈，火候、醬汁同水份比例配合啱啱好！
豬手份量好大，表皮脆卜卜，就好似燒腩仔咁鬆脆，豬手肉質嫩滑唔會鞋，配啤酒一流，所以神隊友真係叫埋啤酒！
食完個豬手都有少少飽，記得待應講過甜品師傅係酒店做過，所以我點都要食甜品！ 我諗住食鮮果拿破崙會無咁飽，點知黎到先知出事！ 個甜品大到足夠分俾4個人食，酥餅薄脆，吉士忌廉香滑之餘份量勁多，食完真係飽到投晒降！所以我地叫侍應唔好上跟餐的芝士餅配雪榚，食唔晒會好浪費架嘛！
我地又食豬手，又飲啤酒又要甜品，仲每一道菜都咁好味，埋單都係$600元，講真係出面一定唔止呢個價錢，所以我覺得有下次！
張貼
