影片
更多
2018-03-21
187 瀏覽
禮拜日嘅晏晝陽光普照，絕對係拍拖既好時節，難得男朋友得閒帶我去食好東西，今次嚟到尖沙咀 試下呢間有唔少好評既西餐廳， 一入到去都幾多人，非常旺場。好彩獲店員安排坐喺window seat附近， 都望到部分維港景，同埋一大片綠樹圍繞嘅九龍公園， 風景開揚，環境都唔錯，加上仲有樂手喺度彈結他同唱歌 ，以一個百零蚊嘅午餐嚟計，其實淨係個環境已經抵返。而今日嘅lunch menu都幾多選擇， 不過早餐食得飽咗啲，唔想食飯同意粉，所以男朋友就揀咗煎原條鮮魚，而我就試下Rib eye ， 不過當然唔少得嘅就係加番個海鮮拼盤啦，聽聞質素都幾唔錯。一來到就即刻有呢個海鮮拼盤試下，果然冇嗌錯， 性價比真係極高，加50零蚊就有呢一個酒店級數嘅海鮮拼盤，真係非常豐富，有生蠔、鮑魚、鮮蝦之外， 最特別嘅係中間嘅帶子同埋蟶子刺身。生蠔嚟講都尚算清甜，有些少海水味，亦唔算太濃味，質素ok， 而大蝦嘅肉質都幾實淨，甜甜地，唔錯。 男朋友就比較鍾意呢一個鮑魚，廚師預先調味醃制，除咗保留到鮑魚原本獨有嘅味道之外，亦有一種特別嘅風味，調味剛剛好，唔會搶走鮑魚嘅鮮味。 至於我就比較鍾意中間嘅味噌帶子，甜甜地嘅味噌汁，加埋帶
好彩獲店員安排坐喺window seat附近， 都望到部分維港景，同埋一大片綠樹圍繞嘅九龍公園， 風景開揚，環境都唔錯，加上仲有樂手喺度彈結他同唱歌 ，以一個百零蚊嘅午餐嚟計，其實淨係個環境已經抵返。
而今日嘅lunch menu都幾多選擇， 不過早餐食得飽咗啲，唔想食飯同意粉，所以男朋友就揀咗煎原條鮮魚，而我就試下Rib eye ， 不過當然唔少得嘅就係加番個海鮮拼盤啦，聽聞質素都幾唔錯。
一來到就即刻有呢個海鮮拼盤試下，果然冇嗌錯， 性價比真係極高，加50零蚊就有呢一個酒店級數嘅海鮮拼盤，真係非常豐富，有生蠔、鮑魚、鮮蝦之外， 最特別嘅係中間嘅帶子同埋蟶子刺身。
生蠔嚟講都尚算清甜，有些少海水味，亦唔算太濃味，質素ok， 而大蝦嘅肉質都幾實淨，甜甜地，唔錯。
男朋友就比較鍾意呢一個鮑魚，廚師預先調味醃制，除咗保留到鮑魚原本獨有嘅味道之外，亦有一種特別嘅風味，調味剛剛好，唔會搶走鮑魚嘅鮮味。
至於我就比較鍾意中間嘅味噌帶子，甜甜地嘅味噌汁，加埋帶子嘅鮮甜，食落非常之夾， 而蟶子刺身亦都係坊間比較少見，食落非常爽脆， 配埋廚師調製嘅醬汁酸酸甜甜，非常開胃。
而呢個鴨胸沙律亦都係非常之醒胃， 甜甜地嘅芥末醬汁，包住嫩滑既鴨胸，配埋黑醋醬同埋生菜， 十分清新。
侍應送上湯嘅同時，亦送上呢一個非常香脆嘅蒜蓉包， 不過我喺影相嘅時候，唔小心將個蒜蓉包浸咗落個湯度，但估唔到清湯浸個包都幾好味，脆得嚟又好軟熟，吸咗少少湯嘅味道， 呢個無心之失反而更加好味。
而呢一個雜菜清雞湯， 亦都係令人眼前一亮， 一望就知道唔簡單。識食嘅人就會知道，越係好似好簡單嘅餸菜，越難煮得好， 同樣呢，一個清雞湯望落好似材料唔多，但係睇到佢嘅湯色非常之清澈，要做到呢一點，其實非常困難，飲落去充滿濃郁既雞湯味道之外，亦夾雜著甘筍同洋蔥， 同埋其他雜菜嘅清甜味 ，絕對係用心之作。
而呢個美國肉眼扒， 我就叫咗五成熟嘅， 煎得剛剛好， 廚師將牛扒嘅表面煎得非常香脆，但食落啖啖肉汁，非常香濃嘅肉味，加埋煎得好香嘅番茄，一句講曬冇得輸。
而呢一個香煎原條鮮魚， 亦都係高度推介， 淨係見到條魚咁大條已經開心曬， 魚嘅表面亦都煎得非常香脆，肉質亦都比較實， 但唔會太乾身，亦都保留到魚汁既原味，香草牛油滲咗落魚肉嘅裏面， 帶起咗另一種層次同鮮味。
最後送上嘅甜品， 係一小件 tiramisu，簡單但實在，為今餐畫上完美的句號。
張貼
