丼瀛 (已搬遷) 新店位置

今日去左觀塘既丼瀛食飯叫左一份油甘魚爆丼，有海膽一份北極光海膽杯北極光海膽杯好正，面層有海膽，之後下面有沖繩既特產海葡萄，唔係好多地方有得食，佢個口感都同海膽好夾！之後一層有三文魚籽同啫喱，然後仲有蟹肉、蟹膏同埋最底一層紫薯蓉。每一層既份量雖然唔多，但全部都好新鮮，而且每層唔同既食物食落就更加豐富，可以一次過享受到唔同既口感，最令我印象深刻就係蟹膏同蟹肉，味道非常鮮甜。另外叫左兩件燒羊架每件羊架都好大件，而且肥瘦適中。廚司燒既手勢都好好，外層帶少少焦香，但入面仍然充滿左肉汁！非常美味。