影片
更多
2018-08-03
1057 瀏覽
尋晚收工約左朋友喺尖沙咀食飯，喺佢帶路之下嚟左間幾得意既餐廳！唔係佢帶路都唔知喺樂道有間咁有特色既餐廳，餐廳有好多特色插畫，富有本地色彩，環境令我覺得幾舒服！連餐牌都有好多唔同既主題插畫，我開始懷疑呢度既老闆會唔會係從事設計工作！ 哈哈 ! 請返餐廳食品供應先，主要都係以西餐為主，由頭盤小食，pizza , pasta, 主菜，甜品，都有供應！今晚我哋叫左個晚市套餐，2個人318 價錢都幾合理！先嚟有薯仔湯，薯仔湯普普通通，帶少少薯仔既甜味，重點係我俾佢張餐檯紙吸引左，影左張好得意既相！ 頭盤我哋點左份煙三文魚凱撒沙律，份量夠2 人share! 用料都幾新鮮，沙律菜清甜爽口配上煙三文魚一軟一爽就最好不過！除左套餐外，我哋仲叫多左個小食拼盤，估唔到呢個小食拼盤又做得幾出色，第一唔油膩，第二炸粉好薄，第三外脆內軟，肉汁保留得好好！小食拼盤入面既吉烈蠔係咁多樣野最正，肉汁保存得非常豐富！温馨提示：小心燙口！香辣蒜片鮮蝦匾意粉， 看上去平平無奇的感覺，食落卻越食越辣，越過癮，鮮蝦真的很新鮮，有咬口，鮮甜！最後主菜登場！ 脆香巴堤雅燒春雞，其實未食呢個菜之前都有dd飽，好在呢隻春雞唔係
唔係佢帶路都唔知喺樂道有間咁有特色既餐廳，餐廳有好多特色插畫，富有本地色彩，環境令我覺得幾舒服！
連餐牌都有好多唔同既主題插畫，我開始懷疑呢度既老闆會唔會係從事設計工作！ 哈哈 ! 請返餐廳食品供應先，主要都係以西餐為主，由頭盤小食，pizza , pasta, 主菜，甜品，都有供應！
今晚我哋叫左個晚市套餐，2個人318 價錢都幾合理！
先嚟有薯仔湯，薯仔湯普普通通，帶少少薯仔既甜味，重點係我俾佢張餐檯紙吸引左，影左張好得意既相！
頭盤我哋點左份煙三文魚凱撒沙律，份量夠2 人share! 用料都幾新鮮，沙律菜清甜爽口配上煙三文魚一軟一爽就最好不過！
除左套餐外，我哋仲叫多左個小食拼盤，估唔到呢個小食拼盤又做得幾出色，第一唔油膩，第二炸粉好薄，第三外脆內軟，肉汁保留得好好！
小食拼盤
26 瀏覽
0 讚好
0 留言
小食拼盤入面既吉烈蠔係咁多樣野最正，肉汁保存得非常豐富！温馨提示：小心燙口！
香辣蒜片鮮蝦匾意粉， 看上去平平無奇的感覺，食落卻越食越辣，越過癮，鮮蝦真的很新鮮，有咬口，鮮甜！
最後主菜登場！ 脆香巴堤雅燒春雞，其實未食呢個菜之前都有dd飽，好在呢隻春雞唔係勁大隻！
外皮燒得焦香，香脆帶點辣！雞肉就保持到豐富肉汁，而且非常嫩滑，我覺得唔需要點個香辣汁都好好食！
食晒成個餐同小食拼盤，其實都幾飽，不過見到睇見隔離檯既甜品好好食咁，又忍唔住叫左一模一樣既朱古力心太軟同焦糖燉蛋嚟食，朱古力心太軟就有一大舊雪糕加上心太軟蛋糕組成，朱古力味濃郁，喜歡食朱古力既朋友，千祈唔好錯過！ 而焦糖燉蛋既焦糖面做得很薄，蛋嫩滑，每啖都夾雜住一脆一軟既口感同香甜既蛋香，可惜係。。。幾啖食完haha , 真係想再叫多一個嚟食！不過已經食到飽飽實在無空間了！
臨走時發現門口處有個糖果箱喺門口附近，可以夾喜歡既糖返檯食，喜歡食軟糖既朋友，千祈唔好錯過！
張貼
