心之食堂 (裝修中)

日本放題大家成日食，但好少會留意到樓上既日式café,今次俾我發現一間唔錯係銅鑼灣既日式café，就介紹俾大家。店員面帶笑容，服務都唔錯。燒日本蕃薯 $28賣相好的骰,啖啖紫薯的香甜三文魚刺身都唔錯,厚切新鮮原條鰻魚石鍋飯 $118呢個好令人驚喜，冇諗過係原條鰻魚食，成二十厘米，重長過個石鍋。珍珠飯粒熱辣辣，食到少少飯焦，加埋蛋絲份外香，重帶點醬汁既甜味，不過比較乾身，如果多d鰻魚燒汁就更正。心之火焰牛柳串 $88一開始店員只係將串燒放係枱面，諗住食得點知突然間點火，熊熊烈火好震撼。牛柳粒帶點香辣既感覺，燒完又能鎖住肉汁，相當juicy, 中間重夾住三色椒，底下有厚切新鮮菠蘿，超正。不過醬汁乾得好快，要趁熱食。彩虹卷 $68雖然唔係真係有彩虹七隻色，但係賣相好靚，色彩繽紛。炸蝦脆卜卜，重食到粒粒有嚼口既芝麻同蟹籽，口感唔錯，帶點鹹香又有牛油果同青瓜既清新。心動大阪燒 $78，大阪燒整成心形，相當有心思，令我即刻諗起當年去大阪旅行食既大阪燒。蔬菜粒同章魚粒沾滿沙律醬同燒汁，口感豐富。