影片
更多
2020-06-12
39 瀏覽
呢間日式小店位於灣仔嘅一條小巷中，位置相當唔起眼，但卻係我嘅必食餐廳清單上名列前茅。小店除左有特色濃湯沾麵，仲有日式丼飯、小食等選擇。先黎一客清新蟹籽沙律($42)唔好睇少呢個沙律，青瓜絲非常爽脆清甜，配上蟹柳絲、蟹籽同沙律醬，食落好開胃，炎炎夏日食感覺更清爽。和風餃子六隻($38) 餃子煎熟後再落生粉水製作成一層脆薄嘅冰花皮，賣相吸引。冰花皮有輕微調味，餃子皮薄餡靚咬落有肉汁。唔需要點餃子醬油汁食已好夠味，簡單嘅一款煎餃都咁有驚喜！醬燒牛肉丼 ($98) 可按照個人喜好選擇溫泉蛋或溏心蛋、多蔥少蔥。薄切牛肉燒得表面帶輕微焦香，肉質嫩口而且份量非常慷慨，牛肉一片疊一片一共有大概十塊，望落唔大碗但食起黎係好夠飽！我最後食唔哂D飯。濃湯魚介醬油沾麵($98)可揀熱或凍嘅麵。角切豚肉炆煮得好淋好入味，沾麵嘅配料非常豐富，有椰菜、木耳絲、日本筍、青蔥、溏心蛋等，麵條可揀粗或幼麵。粗麵麵質好彈牙，濃湯味道濃郁而且掛湯一流。
先黎一客清新蟹籽沙律($42)唔好睇少呢個沙律，青瓜絲非常爽脆清甜，配上蟹柳絲、蟹籽同沙律醬，食落好開胃，炎炎夏日食感覺更清爽。
和風餃子六隻($38) 餃子煎熟後再落生粉水製作成一層脆薄嘅冰花皮，賣相吸引。冰花皮有輕微調味，餃子皮薄餡靚咬落有肉汁。唔需要點餃子醬油汁食已好夠味，簡單嘅一款煎餃都咁有驚喜！
醬燒牛肉丼 ($98) 可按照個人喜好選擇溫泉蛋或溏心蛋、多蔥少蔥。薄切牛肉燒得表面帶輕微焦香，肉質嫩口而且份量非常慷慨，牛肉一片疊一片一共有大概十塊，望落唔大碗但食起黎係好夠飽！我最後食唔哂D飯。
濃湯魚介醬油沾麵($98)可揀熱或凍嘅麵。角切豚肉炆煮得好淋好入味，沾麵嘅配料非常豐富，有椰菜、木耳絲、日本筍、青蔥、溏心蛋等，麵條可揀粗或幼麵。粗麵麵質好彈牙，濃湯味道濃郁而且掛湯一流。
張貼
