心之食堂 (裝修中)

坐落於百樂中心樓層的心之食堂日式居酒屋，地方細細食客唔多，坐在寧靜的一角，品嚐到美味的日式料理，確係有驚喜的。食物用心製作樣樣都咁好食，原來係得獎店，果然實至名歸。店員即使繁忙亦非常有禮。點菜以QR code落單好方便，唔洗成日搵店員。 京蔥雞肉串（2串） $40雞肉厚身肉質嫩滑，京蔥更出色，薄薄燒汁好美味。 燒京蔥（2串） $28京蔥我最愛叫多兩串食，夠晒粗身，咬落爽口甜美。 吉列炸蠔 $68炸蠔外層鬆脆，唔太油膩，蠔肉鮮嫩juicy，完全無鯹味，超正。原條鰻魚石鍋飯 $118鰻魚肥美肉質軟腍，鰻魚汁好味要再添先夠，飯量都好多鍋底有飯焦，石鍋夠熱保持熱食，價錢合理，唔錯。蒜香烤焗茄子(45mins) $68原條茄子大大條望見滿足，可拉出長長的茄肉，充滿蒜蓉香非常美味，值得等待45分鐘的美食。蟹味噌軍艦 $48 蟹味噌一大篤非常慷慨，濃郁蟹味甘甜鮮美而不鹹，口感一流。邪惡包（2件） $76紫菜包住軟嫩的帶子、焦香入口即溶的鵝肝和爽口的生菜，，口感味道配搭得宜，得兩件價錢有點貴，但真係好好食。