六喜見 (已結業)

今日係旺角做完野 經過通菜街見到呢間新開既小店俾佢既自健康湯底麵食吸引左 就入去試下雙湯蝦籽雲吞麵 幼麵店員介紹一定要試下佢地既首創招牌雙湯麵原來係傳統大地魚金湯 同秘製香蝦海味金湯魚湯甜 蝦味鮮 重點係無添加味精 / 雞粉 仲有d 咸魚仔係面 食落更香口 雲吞皮薄餡多 食到蝦既鮮味另外叫左個海家漁湯銀魚雙丸 粗麵同雙湯比 漁湯會比較清甜 所以配肉丸類比較夾 蝦丸大大粒 食落超級彈牙豬肉丸口感不算彈牙 但食落十分juicy 加左份薑醋豬手 酸酸甜甜 好開胃 炆得有火喉 肉質一咬就化開 一開始店只員俾左一小杯菊花茶俾我地原來佢話一黎清熱氣 二黎清下味蕾 好甜心六喜甜辣醬海參花印象好似未食過呢種小食原來好有營養價值食落有d 似 厚身既象拔蚌 爽口彈牙 配甜辣醬更加惹味最後叫左個一人炸蟹餅黎到覺得佢冇油好神奇 蟹肉好足料 食落有少少似炸過既鬆餅口感好特別雖然只係麵食店 但食物同煮法 都係出面比較少食到既 值得一試再試