影片
更多
2017-04-12
1208 瀏覽
呢排成日係觀塘搵食既我, 今日去左觀塘工業中心食私房菜, 一早已BOOK定位, 預先落定菜單. 一上到去都已經有8成人了, 仲有D VIP房都幾正架喎, 仲要好型架, 個菜單上會有客人個名LOW, 即係好似特登為我地而做咁, 哈哈. 今日我地選左個2人餐, 每位$338, 食物方面包括前菜, 燉湯, 主食 & 生果.前菜方面, 先黎個涼伴鮑魚菇, 味道會有少少辣辣地, 好開胃, 鮑魚菇爽口, 而且唔會有個D菇醒味.之後黎個涼伴黑木耳, 呢個夠哂有益, 仲有好香麻油味, 口感都係爽口的.跟住再黎個有機沙律菜伴芝麻醬, 呢2樣野夾埋一齊本就是絕配的, 但大廚再加上少少既柚子汁, 令到味覺更加提升, 酸酸甜甜好開胃, 而且沙律菜都係新鮮的.之後呢個茶燻流心蛋伴黑魚子醬配厚切茄子, 真係不得了啦, 見到個名同賣相都已經攞哂分啦, 首先先試下流心蛋先, 咬一口已經充滿住香濃既煙燻味, 再加上魚子醬令蛋味更鮮, 滿口蛋獎, 好邪惡呀...哈哈. 之後下面呢件厚切茄子, 外面用了薄薄的脆獎, 充滿住外脆內軟既感覺, 而家不會油膩, 再點埋呢個自家制既茄子醬簡直絕配, 呢個醬加了芫茜&辣椒, 味道好夾
前菜方面, 先黎個涼伴鮑魚菇, 味道會有少少辣辣地, 好開胃, 鮑魚菇爽口, 而且唔會有個D菇醒味.
之後黎個涼伴黑木耳, 呢個夠哂有益, 仲有好香麻油味, 口感都係爽口的.
跟住再黎個有機沙律菜伴芝麻醬, 呢2樣野夾埋一齊本就是絕配的, 但大廚再加上少少既柚子汁, 令到味覺更加提升, 酸酸甜甜好開胃, 而且沙律菜都係新鮮的.
之後呢個茶燻流心蛋伴黑魚子醬配厚切茄子, 真係不得了啦, 見到個名同賣相都已經攞哂分啦, 首先先試下流心蛋先, 咬一口已經充滿住香濃既煙燻味, 再加上魚子醬令蛋味更鮮, 滿口蛋獎, 好邪惡呀...哈哈. 之後下面呢件厚切茄子, 外面用了薄薄的脆獎, 充滿住外脆內軟既感覺, 而家不會油膩, 再點埋呢個自家制既茄子醬簡直絕配, 呢個醬加了芫茜&辣椒, 味道好夾.
燉湯方面, 呢個係原盅燉松茸淮山燉甘荀黑毛豚肉湯, 哈哈, 個名好長, 由此可見有幾足料, 而家燉完出黎唔會好多油, I LIKE IT, 味道仲清清甜甜.
哈哈, 食左咁多野, 而家先開始食主菜, 第一款: 蝦球水芙蓉, 呢個真係健康既工夫菜, 首先將蛋白蒸好, 再係蛋白淋上橙橙黃黃既獻汁, 形成左好似蒸水蛋一樣, 2樣一齊食令到口感更豐富, 而且超滑, 蝦球超彈牙, 面頭仲有炸過既薑絲, 食落去除左鮮蝦味仲有少少既薑味, 最後想講下綠色呢2塊好似通心的榭葉, 真係工夫菜, 大廚用了青瓜調出來的, 哈哈, 仲有一粒杞子, 令到成個菜式簡單得黎帶點色彩.
第二款: 蒜香芝士焗老外蠔王, 這個伴碟真厲害, 睇得出大廚的刀工, 哈哈, 用薯蓉托住呢個超級無敵巨大既蠔王, 滿滿的蒜香芝士汁包住呢隻蠔王, 一啖咬落去真係滿口蠔香味, 啖啖肉, YUMMY YUMMY.
第三款: 遠年新會陳皮骨, 呢樣餸出唔係好多地方有得食, 呢到可以做到外皮炸得鬆脆, 鬆軟的肉質, 仲好有好香既陳皮味, 正!!
第四款: 鮮魚湯浸碧綠溫家菜苗, 賣相精緻, 魚湯呈現奶白色, 菜苗幼嫩, 再將佢浸落魚湯到一齊食更佳.
第五款: 荷香蒜香海斑片原籠蒸鴛鴦飯, 未打開蓋前諗緊點樣鴛鴦飯, 原來係加左紅米, 哈哈, 每塊斑片都大大塊, 肉質爽口, 再將蒜興飯攪伴食, 好香, 好正.
最後係甜品, 有呢個精心甜鮮困匯拼, 有火龍果, 波蘿, 橙, 西瓜, 樣樣生果都好鮮甜, 食得出唔係浸糖水的.
哈哈, 今餐真係非常滿足, 又食到大廚用心的製作好難得.
張貼
