The Farmhouse 咖啡廳 (裝修中)

今日同一班三五知己一齊去食自助餐，原來呢度地點非常方便就正正係北角碼頭，我就喺紅磡碼頭坐船過嚟都係8分鐘就到啦。本身個人對酒店自助餐都係一般般，但呢間酒店比較新潮時尚，啱晒一班年輕人。一入到去人就不停影相，發現呢度好多影靚相位。食物方面種類繁多，由冷盤到熱食都非常多選擇， 先講下刺生方面，大大隻嘅蝦，出面買一隻都幾十蚊，生蠔即開，咁岩今日仲有得睇師傅切原條吞拿魚，簡直嘆為觀止，生鮮度十足👍🏻熟食方面有我最愛嘅鵝肝，一口氣食左4隻，真係停唔到手，大大隻燒蝦，食多2隻值回票價。最後甜品，以法國為主題，外表吸引，食落法國情懷，甜思思。