瀛豐放題料理專門店

今日特登黎銅鑼灣食一間有齊港日泰菜式嘅放題。一坐低就黎一個刺身拼盤，乾冰噴住煙咁出黎超有儀式感，厚切三文魚腩好肥美，其他貝類刺身好爽口鮮甜。升級版仲包咗一盤半打生蠔同一碟海膽帶子，性價比超高。少見放題都有泰菜，要幫襯吓叫咗沙嗲串燒、泰式炸蛋、飛天炒通菜。雞肉串燒都幾嫩滑，炸蛋酸酸甜甜都幾開胃。另外，炸榴連球超有驚喜，每次叫都熱辣辣送上台真係好有誠意。雪糕甜品仲有好多選擇，但真係食得太飽，所以就無試，下次一定留肚。