Walter Bistro (智選假日酒店) (已結業)

觀塘雖然多野食不過環境比較市正嘅就唔多，Walter Bistro就係一個可以慢慢坐，位子闊落，唔擠迫嘅地方。裝修好新淨，侍應仲好有禮貌👍🏻我同朋友係食dinner set 超豐富價錢好低仲有全單八折，非常推薦！set包左生蠔(好好食一啲都唔腥), 龍蝦，螺，長腳蟹，蝦，仲有刺身壽司，份量超有誠意。Main course揀左Frenc duck leg and braised beef cheeks兩款，燴牛面頰整得好好，我個人比較怕唔夠熟見血，但切開件牛肉熟到岩岩好，好易切，仲keep到好嫩口👍🏻👍🏻調味無太濃因為件牛夠味了，薯蓉伴碟中和反個口感，好香奶味，遺憾對女仔食量黎講食唔哂啲牛。至於法國鴨脾比較適合喜歡濃味人士！除左dinner set之外仲有飲料、沙律、中西湯、熟食自助，超抵喇！最後仲食埋movenpick雪糕，仲有好多款甜品揀，真係滿足的晚上！