蝦蝦燒 (已結業)

天氣涼涼地最好食燒烤，朋友就推介位於荃灣新開的「蝦蝦燒」可以自己在流水道夾蝦燒，有得玩又有得食👍餐廳環境好大，座位旁邊每一枱都有一條流水道方便客人夾蝦，服務員會先安排一個冰桶加入冰和水，將夾出嚟的蝦放入冰桶整暈再燒！每一台亦預先有一碟已經醃製好的大蝦，食落鹹鹹地好香口，肉質亦都爽脆彈牙！場外還擺放多款海鮮及食物，海鮮款式很多有鮑魚、扇貝、東風螺、魷魚、蜆和原條魚，全部都色澤新鮮 ，任燒任食，海鮮簡單加入調味已經好好食，特別推介鮑魚，鮑魚好新鮮鮮甜簡單加上豉油已經好好味，蔬菜類有迷你番薯，粟米🌽辣椒，茄子，菠蘿和南瓜等，肉類就有雞肉、牛仔骨、羊扒、雞翼、雞皮、魷魚和丸類多種選擇👍燒菠蘿亦都係推介，咬落多汁酸酸甜甜好開胃😋雪櫃的飲品自取，款式應有盡有，仲有雪糕的口味亦有好多選擇！整體都好滿意！