松藝館 (已結業)

朋友推介下book位，為老公慶祝生日，第一次黎，踏入門口感覺氣氛同餐廳環境都幾好，而服務員幫我地安排左近門口的卡位，雖然望海境遠d，但卡位枱，兩個人座感覺鬆動d，我地都好舒服…係服務員介紹下餐牌下，我地點了兩個French gourmay tasting dinner set，每人六道菜，由頭盤開始，係一個豬肉凍，服務員上菜時亦有介紹，是由西班牙黑毛豬肉做成的，一開始都會擔心有豬肉的騷味，但食落去冇而且好食，感覺好特別，而且單點的餐牌是冇的，第二道係煙薰鵪鶉腿，迷你版配松露腰果，第三道係湯，唔算特別，第四道係意大利飯，因為係六道菜的set，每道份量都唔會太多，第五道就係主菜，和牛西冷，服務員仲比我地試左松露芥末醬，配埋西冷好好食，我地仲買左一樽Tim最後甜品係蘋果撻，上菜時仲熱，好脆皮，因為老公生日，服務員好貼心，在甜品上點了燭，送上了一張，為我地即影即有的相作紀念