影片
更多
2023-03-05
66 瀏覽
📍鮨燐 🔎上環蘇杭街126-128號地下D舖 -----呢間係屋企附近嘅omekase餐廳，覬覦咗好耐，終於忍唔住係生日時候出手試一試。.佢地Dinner有三個唔同Set，價錢分別係$1380、$1680、$1880，第一次黎，揀選咗中間價錢嘅Set。包咗有前菜3款、7種刺身、和食、6種壽司、湯同甜品。.3款前菜，鏗魚高湯菜之花野菜煮味道清甜、熒光魷魚細細條頗有咬口、最後鰻魚苗就有醋汁姜蓉等等調味，再擺上玫瑰食用花作妝點。.打頭陣嘅刺身係愛媛縣春飼鯛，當造嘅刺身其實點都唔會輸，無論以搭配嘅竹炭鹽🧂、紫蘇葉，或是柚子醋汁調味，都非常高質，清甜味係口腔一襲而來。另外，仲有第一次食嘅鳥貝，食落海水味好重，有d似食緊生蠔，加埋青檸一起吃，好爽口。仲有加咗黑椒青檸汁嘅響鑼刺身就，撒上芝麻碎同日本小青蔥嘅池魚，加入少許蔥蓉及輕輕燒過嘅北海道銀鱈魚等等，整體質素都唔錯。和食就係天婦羅，例如有熱辣辣嘅香酥軟綿目光魚、濕潤香濃嘅舞茸菇、香甜爽脆嘅長野小洋蔥等等，表面撒有少許薄鹽🧂，唔夠鹹亦可以自己加岩鹽。 🍣壽司方面，針魚爽彈、深海油甘魚魚脂豐腴、北寄貝鮮甜。而冰凍牡丹蝦下面，就有熱嘅燒蝦膏、口感層次豐
🔎上環蘇杭街126-128號地下D舖
-----
呢間係屋企附近嘅omekase餐廳，覬覦咗好耐，終於忍唔住係生日時候出手試一試。
.
佢地Dinner有三個唔同Set，價錢分別係$1380、$1680、$1880，第一次黎，揀選咗中間價錢嘅Set。包咗有前菜3款、7種刺身、和食、6種壽司、湯同甜品。
.
3款前菜，鏗魚高湯菜之花野菜煮味道清甜、熒光魷魚細細條頗有咬口、最後鰻魚苗就有醋汁姜蓉等等調味，再擺上玫瑰食用花作妝點。
.
打頭陣嘅刺身係愛媛縣春飼鯛，當造嘅刺身其實點都唔會輸，無論以搭配嘅竹炭鹽🧂、紫蘇葉，或是柚子醋汁調味，都非常高質，清甜味係口腔一襲而來。另外，仲有第一次食嘅鳥貝，食落海水味好重，有d似食緊生蠔，加埋青檸一起吃，好爽口。仲有加咗黑椒青檸汁嘅響鑼刺身就，撒上芝麻碎同日本小青蔥嘅池魚，加入少許蔥蓉及輕輕燒過嘅北海道銀鱈魚等等，整體質素都唔錯。
和食就係天婦羅，例如有熱辣辣嘅香酥軟綿目光魚、濕潤香濃嘅舞茸菇、香甜爽脆嘅長野小洋蔥等等，表面撒有少許薄鹽🧂，唔夠鹹亦可以自己加岩鹽。
🍣壽司方面，針魚爽彈、深海油甘魚魚脂豐腴、北寄貝鮮甜。而冰凍牡丹蝦下面，就有熱嘅燒蝦膏、口感層次豐富。師傅仲有用上日本最高級白身魚品種之一嘅九州深海魚喉黑魚同高級北海道馬糞海膽等等黎整壽司。
最後再送上清甜味噌湯同自家製嘅極濃郁京都宇治抹茶奶凍，為生日餐美好收結，整體不錯。
張貼
