影片
更多
2017-10-07
275 瀏覽
今日同朋友慶祝生日，所以一早就上網揾咗呢間餐廳，打算同佢食餐好！之所以揀呢間餐廳係因為餐廳望出去係尖沙咀個夜景，雖然唔係對正海景，但夾啱時間都可以睇到幻彩泳香江嫁。加上，餐廳仲會有駐唱歌手邊彈吉他邊唱歌，都幾有情調。今次沙律就揀咗鮮蝦芒果雜菜沙律，個人好欣賞呢碟沙律，鮮蝦大大粒，肉質都好彈牙，冇雪藏味；選用嘅沙律菜同芒果都好新鮮；最鐘意係沙律加咗好多荔枝味嘅爆爆珠，一咬落去，就散發住淡淡荔枝甜香味。餐湯係黑松露蘑菇忌廉湯，黑松露味好濃郁，蘑菇切成細粒狀，增加咬口。主食方面，就分別叫咗一碟雜菜薯仔煙豬腩繪鴨脾，鴨脾好入味，炆到好軟身，冇鴨騷味；用咗大量雜菜，紅蘿蔔、蘑菇、翠玉瓜、小蕃茄等等，所以唔單止顏色睇落好鮮豔，食落仲有蔬菜嘅甜味。另一個主菜就係黑毛豬扁意粉，黑毛豬肉質鮮嫩；意粉用咗香草調味，軟硬適中，食落啱啱好。之前上網睇推介，話呢度嘅艾迪乳鴿好好味，所以同朋友都叫咗一個泥試下，同普通嘅燒乳鴿唔同，唔會燒到好乾身，偏向似鹵水乳鴿，肉質仲好幼嫩，又夠味！
之所以揀呢間餐廳係因為餐廳望出去係尖沙咀個夜景，雖然唔係對正海景，但夾啱時間都可以睇到幻彩泳香江嫁。加上，餐廳仲會有駐唱歌手邊彈吉他邊唱歌，都幾有情調。
今次沙律就揀咗鮮蝦芒果雜菜沙律，個人好欣賞呢碟沙律，鮮蝦大大粒，肉質都好彈牙，冇雪藏味；選用嘅沙律菜同芒果都好新鮮；最鐘意係沙律加咗好多荔枝味嘅爆爆珠，一咬落去，就散發住淡淡荔枝甜香味。
餐湯係黑松露蘑菇忌廉湯，黑松露味好濃郁，蘑菇切成細粒狀，增加咬口。主食方面，就分別叫咗一碟雜菜薯仔煙豬腩繪鴨脾，
鴨脾好入味，炆到好軟身，冇鴨騷味；用咗大量雜菜，紅蘿蔔、蘑菇、翠玉瓜、小蕃茄等等，所以唔單止顏色睇落好鮮豔，食落仲有蔬菜嘅甜味。另一個主菜就係黑毛豬扁意粉，
黑毛豬肉質鮮嫩；意粉用咗香草調味，軟硬適中，食落啱啱好。之前上網睇推介，話呢度嘅艾迪乳鴿好好味，所以同朋友都叫咗一個泥試下，
同普通嘅燒乳鴿唔同，唔會燒到好乾身，偏向似鹵水乳鴿，肉質仲好幼嫩，又夠味！
張貼
