八寶清湯腩 (已搬遷) 新店位置

店舖內部真係好細好細，枱同櫈都好細，只得十多個位。上次叫外賣質數真係麻麻，心深不忿 ﹗要再黎試多次 ﹗Lunch 時間都只得小貓三四隻，生意難做，如何殺出血路？。蠔油西生菜，我仲諗住係玻璃菜添，原來又係西生菜，好新鮮爽甜，不過不失啦。清湯腩撈粗走蔥，我都話走蔥咯，唉 ﹗又要自己畢走，無緊要，少事無雖動氣。粗麵佢地係用我最喜愛既幼身粗麵喎，好好好 ﹗但烚腍左少少，蛋味流失，所以欠欠奉。今次係第四次試依度既牛腩，只有第一次幫襯係非常滿意，好好味既。之後幾次都又靭又硬又瘦又有渣，質數下降到將近無法接受地步，包括今次都唔例外，完全不腍不滑不棉，做得好差。不過佢地既湯底夠濃又有藥材味，夠特別，而且香濃美味 ﹗雖然有些食家唔多支持，始終同傳統清湯腩有點偏離。平價蘿蔔味帶酸澀，都唔甜既，有點失望。