20
5
5
電話號碼
28898366
營業時間
星期一至日
10:00 - 23:00
付款方式
現金
食評 (36)
等級4 2016-07-22
1181 瀏覽
過埋今個月八寶清湯腩就要結業喇,祝您一路走。Lunch 唔知食咩好呢,本來想食返上次好好食既豬扒,但兜左幾個圈都唔記得左係邊添,還掂咁耐無黎八寶,是但啦。淨清湯蘿蔔牛腩走蔥,專賣清湯蘿蔔牛腩既居然無蘿蔔?仲要用生菜頂檔?價錢差好遠架喎。一睇落去好明顯係牛展,唔係牛腩喎,莫非轉左我唔知?還是取考呀?我係要淨牛腩既。等我數數先,瘦肉兩舊又乾硬又有渣,牛展四件咬好膠有咬口,剩返四舊肥腩,雖然堅肥,不過口感好滑,肉質軟棉,食落又唔係太過油膩,可以接受。湯底唔夠熱又勁淡口,想點呢?湯底淡如水,搵辣椒油救命先得 ﹗但幫唔到幾多,微辣不香,油味重,唉 ﹗以前既熱騰騰美味藥材清湯去了那裡?嫩滑入味靚牛腩無埋,連香甜多汁既蘿蔔都唔見左,咁仲黎八寶食咩呢?炸魚皮,非常香脆喎,但淨食對我黎講有點咸,都係浸湯食好好多。掉落湯發出勒勒聲非常悅耳,好鬼 high。淨清湯爽腩走蔥,真係全部爽腩喎,無搵笨,多謝師傅。鬆化、軟棉、彈牙、黏黏、膠膠,通通有齊 ﹗仲要牛味濃郁香甜,材藥味突出,好食到震 ﹗腐乳通菜,雖然係旱通,但翠綠爽嫩又多汁,沾上大量腐乳醬非常香口惹味,大注大注塞入口,美味非常。牛肚河,金錢肚十分爽彈,而且吸盡藥材湯精華,一咬爆汁非常甜美。河粉硬淨滑滑,還可以啦,我喜歡軟棉既質感呢。雲吞伊麵走蔥,估您唔到係鮮肉雲吞喎,肉香無窮,肉味濃郁非凡,肉汁微滲甜美,外皮滑滑,比得上招牌清湯腩。伊麵有點硬,總好過腍劈劈,算合格。蘿蔔夠甜夠嫩又無渣,充滿水份夠濕潤,good ﹗ 繼續閱讀
(以上食評乃用戶個人意見 , 並不代表OpenRice之觀點。)
等級3 2016-06-13
713 瀏覽
同事都算系哩度嘅常客咯,因為聽佢講佢應該都已經幫襯哩間八寶清湯腩都已經4、5年喇,真系好神奇,到宜家都唔覺得厭,仲話間鋪搬左,要我一齊去。卒之,我都跟咗佢去食翻一次。點咗招牌嘅清湯腩,上臺之前我專登望咗下周圍環境,都算乾淨,人又幾多,清湯腩性價比十分之高,首先就系分量就好多喇,牛腩哩啲肉吖都好多,超乎意料,牛腩其實本身質地比較0韌,不過經過熬制之後就變得好霖,入口好易咬,湯底嘅話就有小小鹹鹹啲,可能系我嘴比較苦?近排少飲水,面就比較一般,不過可能湯鹹咗之後咧,個麺就好夠味喇,哈哈哈,Q彈程度一般,不夠性價比已經好高喇。 繼續閱讀
(以上食評乃用戶個人意見 , 並不代表OpenRice之觀點。)
等級1 2015-09-10
694 瀏覽
呢幾年間落開去紅磡做嘢都會去八寶清湯腩食我最鍾意嘅牛寶同牛丸o 其實係呢D小店食野, 環境當然比不上連鎖快餐店, 但有的是現在城市中已漸漸消失的......人情味!  昨日又有機會去食腩, 點知見到貼出結業的通知o  問下老細點解呀, 老細話業主加租頂唔順啦! 因店子太細座位太少, 做埋都吾夠交租呀o 哎~ 香港就係咁架啦, 租金太貴, 小店一間間的消失, 想食D好嘢都好難咁! 既然來到, 估計結業前不會再來, 唯有儘情享受呢一餐o 點了最愛的清湯蘿蔔淨牛寶同牛丸, 味道如舊, 該腍的腍該爽的爽, 水準依然! 真的有點吾捨得牛寶同牛丸呀, 希望正如小店所講啦!  繼續閱讀
(以上食評乃用戶個人意見 , 並不代表OpenRice之觀點。)
你鐘情於食牛嗎?雖然知道哩個動作並唔環保,但係我卻無從抗拒牛肉既騷香。噤係香港有好食既牛腩嗎?華姐既清湯腩質素四平八穩,新仙退一百個大步,九記水準飄忽且成自由行食堂,群記路途遙遠,去得來都已沽清。講來講去,都係沒有一間令我有種驚艷既感動。但係八寶,佢俾到我。第一啖湯,就知道佢既口味係行偏鋒路線,除了清湯必需既牛香外,仲有濃郁既當歸味。無錯,就係很台灣的那種药材湯頭,如果你去台灣愛吃羊肉爐之薑母鴨、藥饍排骨,八寶既湯頭你會一試傾心,肉香、葯香既回甘絕對令人難忘。噤,主角牛腩呢?為了一試其手勢,我叫了三寶,姐係爽腩,坑腩,崩沙腩。最愛既爽腩軟淋而不失咬口,兼具有濃郁牛香。坑腩入口一咬已經化開,肉味最濃,雖則對我來講就偏淋,但完全沒有塞牙既軟淋我並不抗拒。崩沙腩,連筋膜和肉兼具肉味同口感雙重享受,相當不錯。而更為重要既係、三寳濃厚既牛香更托出碗中蘿蔔的清甜,一濃一清,相互輝映,提升了味道上的層次。總而言之,八寶未必人人受落,但唔計其偏鋒湯頭的話,其牛腩質素相當之高,一定係我三甲之選。P.s.粉麵質素平淡無奇,且飛水不足會沖淡其濃湯,我建議大家叫淨腩,配撈麵或叫浄麵填肚便夠。 繼續閱讀
(以上食評乃用戶個人意見 , 並不代表OpenRice之觀點。)
等級3 2015-08-06
538 瀏覽
突然好想食牛腩,所以先黎到,見到openrice咁好評就試試啦。叫左牛腩面,食落,覺得好普通首先湯底,好重蘿蔔味,但當中,帶左好重嘅雞粉味,所以已經大打節扣。牛腩,普通,真係無咩特別味道,其實簡單,就煮得好味,都要功夫。最後,面底,爽,唯一我覺得會俾分嘅地方。最後順帶一提,辣椒好好香,呢個值得加分。講真,呢個價錢,但食物係咁,平時街邊見到20幾蚊一碗嘅牛腩麵我都會enjoy得多,有小小唔值。 繼續閱讀
(以上食評乃用戶個人意見 , 並不代表OpenRice之觀點。)