8
7
0
電話號碼
28898366
營業時間
星期一至六
11:00 - 21:00
星期日
全日休息
付款方式
現金
以上資料只供參考, 請與餐廳確認詳情
食評 (15)
等級4 2017-07-11
1344 瀏覽
全場被女仕佔據,真係咁好食?還是有美顏、瘦身之效呢?辣椒油,辣得異常含畜又微弱,香辣皆欠突出,要大量大量再大量的辣椒肉掛滿麵條才能滿足到我呢 ﹗淨崩砂腩,好食到無朋友,無得輸 ﹗筋膜嚥韌又帶膠,夾著鬆軟腩肉滋味無窮。藥材清湯已滲進每條肉絲之中,啖啖美味水潤。最後要滴湯不漏地一飲而盡,大滿足。魚蛋金錢肚麵走蔥,無要貪新鮮,食招牌菜牛腩已足夠。金錢肚腍劈劈,不爽不彈,居然腍中帶渣,技術高超。魚蛋趙到索索聲,假得離譜又無味,劣。幼麵有點腍有點漿,麻麻爽彈,非常一般。藥材湯常然隱陣香甜,蘿蔔爽而多汁都不錯,但可以更甜。牛三寶撈粗走蔥,估不到三寶浸湯另上。清湯腩一向價錢都比較貴,多謝 $80 蚊。普通牛腩,鬆化有咬口帶一絲鞋感。牛筋,非常軟棉滑滑,我鍾意。微暖藥材湯底依舊甜美,無投訴。粗麵好濕而黏喎,而且過腍一丁點,撈上大量辣椒肉快速地啜晒入口,合格。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-26
1267 瀏覽
以前呢間係西餐廳,經常會約 banker lunch, 地方大座位夠晒闊落。呢度近一兩年轉左用麵店,Lunch time 就有好多抵食嘅意粉快餐.但最近睇返 OpenRice 有人介紹,原來碗牛腩麵$80係有來頭嘅。清湯蘿蔔牛腩三寶,蘿蔔夠晒清甜。牛筋好軟腍好入味彈得三小件,份量真係好少。啖湯確實係好清甜好好味。反而主角嘅牛坑腩我就唔係好識得分,比普通好味d反而要讚下魚皮,脆卜卜又簿。仲要好大份兩個人share都好多油菜芥蘭就太老啦價錢有啲貴,但可以接受,因為質素幾好唔錯. 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-26
779 瀏覽
在我心目中,八寶清湯腩是其中一家我喜愛的清湯腩店。湯底獨特,藥材味濃但後段帶甜香,蘿蔔入味,牛腩又淋又香。可惜兩年前結業,一直沒有重新回來。去年底聽到朋友說八寶清湯腩換址再戰,改名「八寶煮意」,所以滿心歡喜,打算回來一嘗如何。地方轉到了紅磡,原來就是Stanley Deli的前址吧!店鋪大了不少,座位也多了,不知道味道如何呢?所以一口氣滿足個人所想,一碗淨崩沙腩,一碗金錢肚河,再加一個咖喱飯。先來的是金錢肚河,因為八寶清湯腩的精髓在於它的湯底,所以先試湯底。一試,有點失望,因為以前的藥材濃味不見了,味道略淡。當中最少當歸的味道比以前要少,而以前所述的二十多種藥材做成的湯,相信也少了不少,因為當中的複雜感不如以前,而回甜感覺也淡。我估作為湯粉,不需要太濃湯底,所以半勺湯頭,一勺清湯便可,相信淨腩不會這樣吧!金錢肚有彈性,表面淋,但質感依然有點韌。蘿蔔還好,吸入藥材湯的味道,始終也是挺匹配的。河粉卻是簡單的來料貨式,不厚不薄,算是順滑。咖喱飯於我是緩衝而已,讓我等淨崩沙腩的到來,配上香而惹味的咖喱想是另一番風味。不過可惜咖喱只是很普通,不香也不濃,與一般茶餐廳的咖喱多了一種南洋味道吧。而另一問題在於米飯,因為米飯過濕,咖喱汁與米中水份互相排擠,難以融為一體。個人端著咖喱飯,等了好一會依然未見。一問之下,原來漏單!心想,牛腩基本上已近煮好,重點都只是切而已,何以要等上二十多分鐘呢?崩沙腩上桌,首先賣相已是問題,牛腩順切裝盤再加湯,何以沒有排好呢?是太過粗枝大葉,還應是漫不經心?再嚐湯頭,基本上跟河粉的一樣,因此,之前的推論可銀打消;換來是真的淡了!崩沙腩用料還可,牛疆爽脆而肉有香味,加上肥膏脂香是很不錯的。不過從崩沙腩的外層,感受到味道突然淡了一下,感覺藥材湯未有入滲腩中,是一種失望。份量方面與以前的差別不算大,而賣價也差不多。可能是我期望太高,又或對八寶有過份的期待,以至今次八望不少。不過更實在的是地方大了,明顯樓面人手照顧不到位,事悄管理也欠組織,見事就做,看不見就想不到。而且餐廳除牛腩之外,加入了西餐和偽日餐的菜式,令感覺有點不倫不類。作為愛嚐愛食的人,支持小店做出獨特美味似是應該,但如果小店操作有問題,理應盡力提出,希望有所改變。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-12
910 瀏覽
向來食清湯腩最喜歡大埔的群記,九龍這邊總找不到合意的。而在紅磡一工廈地下這間位置隱閉的「八寶煮意」,卻隱藏著極品的清湯腩,若非一位在附近工作的朋友介紹,真的會錯過此等美食。這天叫了個爽腩麵,比正常的牛腩麵要賣貴廿幾蚊。牛腩本身已出色,軟硬度剛好,愛爽腩因貪愛其有咬口,屬麻甩佬的心頭好。至於蘿蔔清甜無渣,並非配角也,但最讚的還是那個牛骨清湯底,居然令我把它喝到一滴不留。總的來說,這店的清湯腩水準可說已列入我心中的九龍第一了! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-07
753 瀏覽
以前已經食開係紅磡蕪湖街既舊店 -八寶清湯腩, 但之後執左, 難免失望之後發現原來係紅磡鶴園街重開, 之前無留意營業日子, 係星期日去, 變左摸門釘, 因為係記慣左舊鋪, 星期日係開既終於這次來到新鋪, 實在唔熟路,  位置有D 隱敝, 都幾難搵入到去, 感覺怪怪, 因為係西餐廳格局, 唔知係咪去錯地方睇過MENU, 的確無去錯叫了一碗普通牛腩河, 同埋一碗侍應話最淋既坑腩米呢個係坑腩, 肥瘦適中, 的確很軟稔, 蘿蔔仲好甜, 湯底保持水準, 濃得黎, 帶有藥材味呢個係牛腩, 同朋友交換左塊腩比較下, 普通牛腩瘦D,  較有咬口, 其實都唔錯, 但比較之下, 當然係坑腩好味D, 但價錢又貴D 繼續閱讀
(以上食評乃用戶個人意見 , 並不代表OpenRice之觀點。)