forte (已結業)

因為工作關係，成日要到觀塘搵間靜得嚟又唔貴嘅餐廳食飯，forte係我心水推介之一。8月份半自助晚餐主題係匈牙利綿羊豬，啱晒唔食牛嘅我。其實之前食過用嚟打邊爐嘅綿羊豬已經覺得好正，今次做主菜都係意料中嘅喜愛。我開頭覺得用blue cheese配豬會好奇怪，但係又真係幾好味，可能我係blue cheese lover, 乜嘢配上去都會like. 重口味之選。另外主菜揀咗黑椒豬扒，略嫌chewy咗D，不過味道ok. 而海鮮方面，蝦係有待改進嘅，蝦肉唔夠爽口！但係最得我心嘅係甜品！有cheese cake, MÕVENPICK 雪榚，朱古力蛋糕仔，bread pudding, chocolate fountain, 啫喱糖, etc. 食完無辨法唔斷食兩日減肥呵！