影片
更多
2021-04-11
65 瀏覽
最近遇上一間中環嘅樓上印度菜，唔止食物高質素，環境仲好適合約會。老闆好親切，唔止主動幫我同男朋友合照，關於印度菜嘅問題一律有問必答😯。週末食下嘢傾下偈，不知不覺就過咗個半鐘。🍽香炸鮮雜菜 + 香辣鬆化胡椒餅 Punjabi Pakodas + Papadam（免費小食）基本上每一間印度餐廳都會奉送Papadam。香脆嘅薄餅帶鹹香亦有好重香料味，可以配薄荷同埋羅望子醬。但冇諗過佢哋會送香炸鮮雜菜🥰。鮮雜菜加埋麵漿同咖喱粉以油炸，外脆內軟清甜誘人。🥟印式芝士餃子 Paneer Momos $88餡料主要係切碎嘅印度芝士(paneer)、蔥、洋蔥。餃子多汁，而且充滿蔥同洋蔥嘅清甜，感覺一啲都唔油膩。值得一提係醬汁加入咗四川嘅花椒，味道帶有少少麻辣😋。🥒青瓜乳酪 Raita $36印度乳酪配上青瓜香料，酸甜開胃亦幫助消化。點papadam一流😚！老闆亦推薦用raita撈飯食。🦀印式咖喱蟹 Crab Curry $198上菜前會先捉隻活蟹俾我哋睇🦀。蟹蓋一早起好咗，蟹肉表面淋上咗咖喱。新鮮蟹特別鮮甜，啖啖肉好滿足😍。🥘大力菜燴羊肉 Lamb Saagwala $112Saag/Saagwala係
🍽香炸鮮雜菜 + 香辣鬆化胡椒餅 Punjabi Pakodas + Papadam（免費小食）
基本上每一間印度餐廳都會奉送Papadam。香脆嘅薄餅帶鹹香亦有好重香料味，可以配薄荷同埋羅望子醬。
但冇諗過佢哋會送香炸鮮雜菜🥰。鮮雜菜加埋麵漿同咖喱粉以油炸，外脆內軟清甜誘人。
🥟印式芝士餃子 Paneer Momos $88
餡料主要係切碎嘅印度芝士(paneer)、蔥、洋蔥。餃子多汁，而且充滿蔥同洋蔥嘅清甜，感覺一啲都唔油膩。值得一提係醬汁加入咗四川嘅花椒，味道帶有少少麻辣😋。
🥒青瓜乳酪 Raita $36
印度乳酪配上青瓜香料，酸甜開胃亦幫助消化。點papadam一流😚！老闆亦推薦用raita撈飯食。
🦀印式咖喱蟹 Crab Curry $198
上菜前會先捉隻活蟹俾我哋睇🦀。蟹蓋一早起好咗，蟹肉表面淋上咗咖喱。新鮮蟹特別鮮甜，啖啖肉好滿足😍。
🥘大力菜燴羊肉 Lamb Saagwala $112
Saag/Saagwala係以菜葉煮成嘅料理。Saag味道溫和，口感香滑。羊肉半肥瘦唔連皮，軟腍入味😋。
🥠蒜蓉烤餅 Garlic Naan $26
香脆而且蒜味香濃，配咖喱或者Saag都好夾。
🥭芒果酸奶 Mango Lassi $36
以新鮮芒果製成，味道天然，酸甜開胃。
☕️特式香料茶 Masala Tea $29
加入香料嘅奶茶美味之餘好暖胃。薑、豆蔻、玉桂溫和得嚟味道好有層次☺️。
張貼
