376
33
2
港鐵上環站 C 出口, 步行約1分鐘
繼續閱讀
電話號碼
94203094
開飯介紹
價錢親民的印度菜館,菜式地道樸實,午市設自助餐供應多種特色食品,招牌菜包括葱油餅、印式燒羊髀、烤春雞等。
繼續閱讀
營業時間
今日營業
11:00 - 15:00
17:30 - 23:00
星期一至日
11:00 - 15:00
17:30 - 23:00
以上資料只供參考, 請與餐廳確認詳情
影片
相片
Flank Butter Masala
Garlic Fried Mixed Veg
Samosas
+4.5K
+294
食家推介
相關文章
🏺自阿妹生完終於出返山之後,成為了熊妹近期最佳飯腳👣。咁當然要揾啲佢鐘意食的菜招待下佢。西餐、東南亞菜成日都食,今次就試吓中東印度菜啦。📌要試正宗嘅印度菜🇮🇳,當然要搵返間歷史悠久啲啦!位於上環的《Basmati》係香港開咗10幾年,都可以話經歷過好多香港經濟蕭條嘅時候。📌上環地鐵站C出口轉過彎就到,行一層樓梯上面全層就係餐廳。📌餐廳環境好大,餐廳與紫紅色嘅設計🔮,霓虹色嘅燈光💈,成個感覺好印度皇宮feel。📌真係有女王寶坐打卡位㗎,絕對啱晒熊妹女皇!即刻坐返自己個位先😆!📌仲有一排窗口卡位,絕對係熊妹心心眼嘅座位!勁好彩地6:00嚟到,職員率先安排坐窗口位先🖼️,真係手快有手慢冇!📌印度菜迷的阿妹一望餐牌,即刻知道有邊啲係著名印度菜一定要試!咁熊妹梗係將發版權交俾佢啦🧱!Veg Manchurian,$118先叫咗個印度小食試吓先!阿妹話食印度小食就要試佢啲炸物!呢個雜菜丸粉漿丸球入邊有少少雜菜,炸起之後再撈上印度辣汁🌶️,連埋洋蔥🧅、三色椒🫑一齊炒起,好似一碟餸菜咁!辣汁味道都幾辣下,粉漿丸球撈埋辣汁好惹味,份量好多,估計有四個人份量!Samosas,$72另外,印度炸物小食就梗係要試吓印度咖喱角啦!咖喱角係雜菜餡,咖喱味都幾重,香而唔辣,外皮做得幾酥脆又唔油膩,連埋入邊咖喱醬汁一齊食,確實係幾滋味,果然係著名小食!Garlic Fried Mixed Veg,$86有熊妹在,一定有好多蔬菜!好大一兜蔬菜入邊有熊妹最愛嘅西蘭花🥦、椰菜花🥬、紅蘿蔔片🥕同埋菜心,全部都係熊妹最愛嘅蔬菜。蒜蓉味好重🧄,食咗咁多重味油膩嘢,食啲菜纖維,清理一下腸道,感覺即刻舒服晒。Flank Butter Masala,$128阿妹話印度butter masala一定要試吓,三色芝士、雞肉同埋牛肉,咁熊妹就話試吓牛肉喇!一個鐵桶裝住印度醬汁牛肉🐮,咁嘅形式呈上已經好特別!醬汁好濃郁,牛肉肉質好軟腍,濃味牛肉配上naan食真係最好不過!Garlic Naan,$32點印度醬汁牛肉梗係要配印度薄餅啦。阿妹話蒜蓉薄餅會比較好味啲!一大塊薄餅切成四塊,裏面有少少蒜蓉味,外皮味道淡,夾埋醬汁牛肉食真係好夾!Hariyali Chicken Tikka,$108另外煮食仲叫咗個燒醬雞,聽個名幾吸引。一個鐵板鍋呈上,能夠保持雞的熱度。燒醬嘅味道係酸酸地,再加埋檸檬汁成件事係酸味嘅雞胸,雞肉都幾嫩滑,阿妹話呢個味道幾特別,可以一試!Mango Lassi,$39阿妹話印度飲品一定要試呢個芒果酸奶,因為係印度嘅特產!哇!酸奶嘅質感好好濃稠加埋芒果醬汁🥭,酸酸甜甜都幾開胃,係非一般嘅酸奶味!Lime Soda,$33青檸配梳打,gur一 gur佢,一解一餐嘅油膩!📌《Basmati》可以稱得上係一間香港地少數正宗嘅印度菜,老闆係留港定居咗30幾年嘅印度人,傾傾吓偈,再發現原來係阿妹一直喺深井食開嗰間《Indian Hot Pot Curry Restaurant 》嘅餐廳老闆!吸引力法則就是咁解!
繼續閱讀
享受一頓豐盛的晚餐,實在是難能可貴,有時候只是想與朋友閒聊放鬆一下,找一家安靜的餐廳,這家印度餐廳實在是不錯的選擇😉餐牌上面有多款選擇,性價比亦較高,除了有main之外,仲有餐湯同烤餅/飯Pullau Rice這款普拉烏米飯細嫩柔軟,米粒分明,入口即化。米飯上淋灑的特制香料汁,香氣四溢,風味獨特🤓Aloo Lamb Shank這道羊膝實在是必點之選,整體口感濃郁醇厚。腿肉肥而不膩,經過慢燉後變得極為柔嫩,入口即化😝Tail Kadai咖喱牛尾,辣而不燥,香而不膩。牛尾肉質鮮嫩,與濃郁的印度香料融為一體,醇厚濃郁,平衡了辣和香的口味😊Lassi酸甜適中,清新怡人。乳酸發酵的酸味,恰到好處地中和了奶制品的膩感。加入芒果的調制,口感豐富多彩,不僅可以解渴,為下一道主菜做好準備😉Young Coconut椰青清涼可口,慢慢用勺子刮出椰肉,細膩幼滑,與椰汁融為一體,齒頰留香😍Indian Masala Tea正宗的印度香料茶,散發著濃郁的香料味道,茶性醇厚而不苦澀,適度的姜辣味恰到好處❣️好味指數:9/10 性價比指數:9/10
繼續閱讀
🔹️Pani Puri面粉炸成一個個波仔入面有洋蔥 薯仔 蕃茄 鷹咀豆食嘅時候再倒綠色薄荷汁一啖放落口 爽🔹️Samosa Chaat著名印度街頭小食 諗住小食 點知勁大碟🤣醬汁係用咗yogurt同chutney辣辣哋 又脆卜卜有薯仔 鷹咀豆 🔹️Butter Chicken呢個唔辣嘅雞用嚟做naan沾嘅咖哩 🤪🔹️Green Onion Naan成日食garlic naan今次試吓葱Naan 外脆內軟 唔算多油🔹️Aloo Gobi薯仔椰菜花 都係唔辣嘅大大粒薯仔再搭配椰菜花 🔹️Fish Madrasbase用咗椰奶做啲魚好滑 🤤🤤呢個就微辣🔹️Chicken Momo尼泊爾著名小食 即係我哋食嘅餃子 不過就配咗橙色嘅醬汁餃子有淡淡薑味 皮薄餡超大🔹️Gulab Jamun我最愛嘅印度甜品甜到唔係個個都食到 一口氣2粒 正正子夠膽挑戰我 😏🔹️Salted Lassi每次必點 下火hidden menu 🫢 因為淨係見到有mango lassi問吓原來可以整Salted lassiyeahhhh🔹️Lime Soda有得揀sweet lime soda或者普通lime soda表姐要咗普通 表示呢杯嘢解辣一流
繼續閱讀
最近見到好多人去呢間見到門面寫住正宗印度菜🤪老闆話佢間舖已經開咗13年啦😳環境闊落 坐窗邊都幾舒服~食物款式唔算特別多 都系啲好大路嘅印度嘢🤭咁就嗌幾款authentic嘅啦👌🏿Paneer Pakodas酥炸奶酪球 $88見好多人都嗌呢樣 就跟返住嗌嚟試下食落香脆 但有些少淋油😗中間嘅奶酪球其實應該系印色芝士半軟半硬嘅狀態 唔太實又唔太淋👌🏿帶少少嚼勁 食落有微微嘅奶香不過香料味好出好搶 洋蔥呀香葉呀辣味等等做咗焦點🤔調味略為重咗啲 配咗兩款sauce 唔點都夠晒味架啦加上史努比唔系特別鍾意嗰兩款sauce🫣一款應該系酸梅醬d frd似西梅汁咁 帶少少酒嘅甜味另一款就似系薄荷乳酪醬🤣食落帶少少酸味 會fresh啲但唔系咁啱史努比口味😗味道: 6/10性價比: 6.5/10👍🏿Tandoori Fish香燒馬友魚 $168Tandoori chicken就食過啦今次第一次食印式Tandoori fish🤭平時食印度菜最驚就系佢調味太重Surprise嘅系呢條魚又唔會喎😚用鐵板上 嚟到嘅時候熱辣辣😛燒到金黃色 聞落幾香😆老闆主動問要唔要檸檬汁 幫我哋唧埋🤭魚皮仲有少少香脆肉質非常滑溜😳食到明顯嘅香料味但唔會過重鹹度亦系啱啱好👍🏿加咗檸檬汁帶少少酸味更加開胃出乎意料地幾好食🤣味道: 8/10性價比: 7/10👍🏿Butter Chicken牛油雞 $112基本上間間印度菜都有呢樣嘢架啦🤭番茄味好出 酸酸甜甜咁食落帶啲咖喱嘅香系史努比接受到嘅辣度🤭所以對大家嚟講可能唔覺辣😂整得偏甜啲 比較溫和 更接近香港人口味🤪反而香料味就相對冇咁明顯~史努比覺得系唔錯嘅 味道調教咗之後反而更易入口🤣雞肉幾嫩滑 而且份量都足😚有啲部分帶軟骨位應該用咗雞髀肉~味道: 7.5/10性價比: 7.5/10👌🏿Palak Paneer印式芝士菠菜 $109醬汁煮得夠杰身 但略嫌菠菜味未夠香濃反而辣味就好出好搶史努比甚至覺得佢比butter chicken更加辣~芝士切得太細粒 質感稍硬 如果軟身返啲會好啲😙食過幾次呢樣菜式 漸漸對佢有要求咗🤣而今日呢個就只系普通啦味道: 6/10性價比: 7/10👍🏿Poori印度煎餅 $32呢個系老闆推介嘅🤭第一次試呢款印度炸包啱啱炸起熱辣辣其實佢系脹卜卜架不過史努比影相耐咗搞到佢塌咗同埋佢都塌得好快😝食落有幾分似牛脷酥😂但唔會話好油膩 比想像中好🤣佢就唔系牛脷酥嗰種好酥脆嘅炸包而系煙韌有彈性嘅🤭即使唔點任何醬汁就咁食都唔錯佢自帶一種獨特嘅香味 反而點咗會蓋過咗佢原有嘅麥香同牛油香史努比覺得就咁原汁原味好食啲🤪味道: 7.5/10性價比: 8/10👌🏿Garlic Naan蒜蓉烤餅 $32通常食印度菜 只要嗌咗butter chicken或者palak paneer就會嗌份garlic naan😂不過呢個有少許失望嘅塊naan唔算話焗得好香脆同埋略嫌佢質感唔夠鬆軟😗食落反而系煙韌帶韌性嗰種🤔同埋香味爭咁啲 食落竟然唔重蒜蓉味味邊: 6/10性價比: 7/10*另設加一服務費*Overall史努比覺得食物水準正常啦普普通通未算好出色~但唔系差嘅話晒條燒馬友都幾好食🤭老闆好nice service都好好有不斷咁幫我哋加水🤣價錢都合理 正常價錢啦Check it out if u are craving for some authentic Indian cuisine🤣🤣整體評分:味道: 6.8/10環境: 7.5/10服務: 8.1/10衛生: 7.5/10抵食: 7.2/10
繼續閱讀
今日想食吓啲異國風餐廳🔮呢間上環既印度菜就非常之就腳 ☀️ 坐落喺上環嘅商業大廈方便位置好闊落舒服👍🏻 除咗咖喱之外有好多唔同比較少見嘅印度菜式真係好地道🧡 辣嘅食物仲可以自選辣到真係好貼心啱晒香港人口味🌶️ PS原來老闆仲有間餐廳喺深井嗰度🤣新界嘅朋友有機會下次可以去試吓⭐️ Pani Puri 🧆每次都好鍾意呢個脆卜卜嘅小食💥包住咗薯蓉同埋鷹嘴豆🥔特別加上薄荷汁一啖食曬☘️清爽嘅口感好開胃⭐️ Tandoori Mixed Grill 🍱三心兩意嘅朋友非常建議揀呢個😚 有兩種口味嘅烤雞魚肉同埋肉腸🐟 火候控制得好好而且烤過既肉質仲唔會乾🐔香料調味啱啱好🥰⭐️ Chicken Tikka Masala 🥘⭐️ Garlic Naan 🧄我哋叫咗小辣個辣度就啱啱好❤️香口得來帶點蕃茄嘅酸甜中和返🍅 配上鬆軟嘅Naan就索晒每滴咖喱嘅精華😝⭐️ Palak Paneer 🥬菠菜配上芝士口感整體好Creamy🧀 有特色得來口感又唔會太膩🤍⭐️ Poori 🫓試咗另一款印式酥餅🧈呢款嘅酥油感比較較重而且帶點甜味好有特色🥞⭐️ Mango Lassi 🥭 ⭐️ Indian Masala Tea ☕️芒果乳酪非常解渴中和了辣度🍼特別一讚Masala Tea嘅香料濃度點到即止💐唔會太過難入口而且好豐富香味另外老闆咁岩今日送咗個甜品佢話唔係成日都有㗎😅因為口味怕太甜香港人食唔慣🥹但係我覺得今日個Rice Pudding 幼滑得黎甜度岩岩好做個完美既結尾
繼續閱讀
您可能會有興趣的...