Ikigai Concepts (已結業)

疫情期間難得嘅三人行，係呢段時間其實都好少會出街食飯，當然要搵一間唔錯嘅餐廳，入到呢一間日本餐廳個環境好闊落，感覺上好安全衛生。🌸日本蕃茄意粉 $138鍾意食蕃茄嘅人一定要試吓，呢隻蕃茄係真係新鮮蕃茄切出嚟，好鮮甜，酸酸甜甜咁超開胃，普通嘅蕃茄意粉都可以做得咁好，真係值得一讚。🌸蒜香和風紫蘇小魷魚意粉 $158好多人對紫蘇都會有啲抗拒嘅，因為味道太重，但係佢呢個加埋左蒜蓉，煮出嚟就變咗好香，小魷魚好鮮味。🌸北海道帆立貝三文魚籽意粉 $218 北海道嘅帆立貝果然係與眾不同，又大隻又鮮甜，佢將兩邊煎香左，所以食落好香口，加埋三文魚子成個口感一流。