Lagom Kaffe (已結業)

樂感呢個名久仰大名，之前一直想泥食，但次次都勁多人排隊打消左念頭，依家開咗張咁耐，終於星期六walk-in 有位唔洗點等有位！好感動！入面地方驚喜地超級大，有bar 枱、卡位等，一點都唔會焗促，由於唔繁忙，難得地我地坐了三個鐘，慢慢享受。我地叫左雞肉凱撒沙律，份量超多，仲有四大舊雞胸，夠嫩滑！另外叫左個Parma Ham奶油牛肝菌意粉，呢個原來幾好食，配搭新穎，好夠creamy。由於我哋都係甜品愛好者，所以一口氣叫咗兩個甜品。一個係抹茶Tiramisu。佢賣相幾特別用透明盒子成相可以見到層層分明，抹茶味甘香，tiramisu 好細綿軟滑。另一款係伯爵茶芝士蛋糕，佢會配上伯爵茶嘅sauce，味道充滿伯爵茶，好食！呢個組合好特別，完全滿足甜品控嘅慾望。