309
39
14
等級4
191
4
訂咗檯同朋友食生日晚飯,無論用Openrice App或者打電話,訂檯只會接受6:30同8:30時段,90分鐘限時。當日一行四人8:30到達,量好體溫就安排入座。當晚我哋張檯嘅位置近窗邊,檯與檯之間都有屏風相隔。店舖內環境裝潢以香港大排檔為主題,有眼鏡店、理髮舖、夜總會同海鮮檔等等,非常有趣。食品選擇,琳瑯滿目,仲有多款大排檔經典港式風味菜肴。四個人綜合意見精挑細揀叫咗:-1.     屋村三鮮 – 其實係鹵大生腸、鴨腎同大墨魚。之前聽講過料理呢款鹵味嘅廚師係跟過肥姐工作,難怪味道同用料都十分相近,豉油汁仲多加咗麻油提味,甜醬同黃芥辣就分開上,可以按照個人喜好沾醬份量。2.     胡麻鮮淮山 - 鮮淮山新鮮、香甜夾多汁,配上芝麻醬同芝麻粒,不容錯過嘅開胃小食。3.     八味脆豆腐 – 因同行友人唔食臭豆腐,唯有點呢個。一貫酒樓都會食到嘅貨色,熱辣辣,外脆內軟再加上啲黃金炸蒜粒,口味絕對人人喜歡。4.     椒鹽雞翼尖 – 普通小食,不過鑊氣十足,一啲都唔乾,更加冇油膱味,再加上調味一流連埋啲炸蒜粒一齊食,送酒良物。5.     黑椒牛仔骨 – 用鐵板上,熾熱鐵板遇上黑椒汁,唧唧
更多
訂咗檯同朋友食生日晚飯,無論用Openrice App或者打電話,訂檯只會接受6:30同8:30時段,90分鐘限時。當日一行四人8:30到達,量好體溫就安排入座。當晚我哋張檯嘅位置近窗邊,檯與檯之間都有屏風相隔。店舖內環境裝潢以香港大排檔為主題,有眼鏡店、理髮舖、夜總會同海鮮檔等等,非常有趣。

食品選擇,琳瑯滿目,仲有多款大排檔經典港式風味菜肴。四個人綜合意見精挑細揀叫咗:-

1.     屋村三鮮 – 其實係鹵大生腸、鴨腎同大墨魚。之前聽講過料理呢款鹵味嘅廚師係跟過肥姐工作,難怪味道同用料都十分相近,豉油汁仲多加咗麻油提味,甜醬同黃芥辣就分開上,可以按照個人喜好沾醬份量。
屋村三鮮
28 瀏覽
0 讚好
0 留言


2.     胡麻鮮淮山 - 鮮淮山新鮮、香甜夾多汁,配上芝麻醬同芝麻粒,不容錯過嘅開胃小食。
胡麻鮮淮山
30 瀏覽
0 讚好
0 留言


3.     八味脆豆腐 – 因同行友人唔食臭豆腐,唯有點呢個。一貫酒樓都會食到嘅貨色,熱辣辣,外脆內軟再加上啲黃金炸蒜粒,口味絕對人人喜歡。
八味脆豆漿
22 瀏覽
0 讚好
0 留言


4.     椒鹽雞翼尖 – 普通小食,不過鑊氣十足,一啲都唔乾,更加冇油膱味,再加上調味一流連埋啲炸蒜粒一齊食,送酒良物。
椒鹽雞翼尖
20 瀏覽
0 讚好
0 留言


5.     黑椒牛仔骨 – 用鐵板上,熾熱鐵板遇上黑椒汁,唧唧聲咁撲鼻而嚟嘅黑椒味夾雜大量京蔥香,牛仔骨件件都軟淋適中,汁濃有啲掩蓋咗牛仔骨嘅肉味,真正食到大排檔嘅風味。
黑椒牛仔骨
14 瀏覽
0 讚好
0 留言


6.     濃湯鱈魚肉碎泡飯 – 湯頭乳白香濃,加上肉碎、滑滑鱈魚粒、芫茜同冬菜粒,簡直係泡飯絕配,啖啖口感交雜滿足矣。
濃湯鱈魚肉碎泡飯
15 瀏覽
0 讚好
0 留言


7.     果皮蒸鮑魚 - 鮑魚鮮甜,質感柔軟得嚟彈牙,果皮味唔太重,但清香怡人,蒸嘅時間同火喉掌握恰到度好。
果皮蒸鮑魚
14 瀏覽
0 讚好
0 留言


是晚藍妹大啤買2送1,配上戰鬥碗嚟飲,又有美味佳餚,再加上環境氣氛,呢度真係飲啤食飯吹水好地方。不過有時間限制,10:30前已截Order。但係我相信我會再嚟幫襯,因為仲太多想試嘅菜式,而且地方尚算舒適,無論同朋友或家人嚟食飯,都係一個唔錯嘅選擇。
13 瀏覽
0 讚好
0 留言
33 瀏覽
1 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-06-13
用餐途徑
堂食
人均消費
$200 (晚餐)
慶祝紀念
生日
推介美食
屋村三鮮
胡麻鮮淮山
八味脆豆漿
椒鹽雞翼尖
黑椒牛仔骨
果皮蒸鮑魚
  • 濃湯鱈魚肉碎泡飯、
  • 屋村三鮮、