鳴門割烹料理 (已結業)

從朋友人中得知呢到做緊個半放題，所以今日放假專程嚟食，比想像中更好食!首先就係揀一款主菜然後其他就任點，我地分別點咗安格斯肉眼同埋吉列鹿兒島黑豚。肉眼5成煎得岩岩好，肉質好嫩滑而且牛肉既味濃郁又唔會韌肥瘦亦適中，餐廳已經切好咗一片片所以基本上一啖一片咁食! 吉列鹿兒島黑豚第一啖真係唔似食緊豬，因為口感非常嫩滑又唔鞋，肉汁夠多同埋外皮炸得好脆，食落好惹味又唔會滯!份量都夠大同埋厚薄適中!任食方面基本上都叫咗9成，重點推介以下幾款!芝麻雞翼呢個叫咗有每人5隻左右，因為炸得好好食個皮脆而且調味岩岩好，唔會太咸同埋太油膩，大細亦都適中仲有肉汁，其他放題完全地比下起，根本食唔到咁既質素!白桃/巨峰乳酸特飲超解渴同埋唔會藥水味，特別係白桃，仲有少少果肉可以咬下，梳打同埋糖醬都岩比例，唔會太甜!串燒牛舌鍾意食牛舌既一定唔會後悔，夠嫩而且牛肉味突出!明太子玉子燒新鮮即制熱辣辣已經加左唔少分，而且蛋醬調較得幾好又唔會煎太耐另外仲有送既汁燒鮑魚，一樣高質而且夠新鮮彈牙。總體上真係好高質既放題，加上環境又夠chill侍應既服務好好，男經理好細心同埋有禮貌，成個用餐感覺都好好!