鮨真 (已結業)

呢度嘅午市比起同區餐廳算比較划算，套餐會跟埋沙律、茶碗蒸、麵豉湯同甜品。想忙裏偷閑就嚟咗呢間午市唔算多人嘅鮨真，環境舒服，有大玻璃可以睇到尖沙咀景觀。麻醬沙律，平時好怕食到沙律菜係苦嘅，但呢度就冇！茶碗蒸同出面嘅唔同，呢度有蟹肉，食落就更奢華！蟹肉鮮甜！主菜揀咗三色魚生飯，其實唔止三款魚生！呢度有三文魚籽、海膽、吞拿魚蓉同玉子燒。魚生多，感覺唔會似淨係食白飯，三文魚籽份量多，口感正！海膽新鮮，超鮮甜！吞拿魚蓉有魚油香味，撈埋晒一齊食真係好邪惡，好滿足！麵豉湯。甜品方面有開心果雪糕，食落唔會太甜！