影片
更多
2023-08-16
186 瀏覽
知道附近呢間隱蔽小店轉左手，想試新口味所以今日過嚟試下。小店開8:00，即係一定唔係target上班族的早餐。見到有all day breakfast，西式扒早餐，亦有沙嗲牛同雪菜肉絲呢類港式早餐。我係傳統派，就試下雪菜米先！一般雪菜米應有味道，食得出係自家炒，而唔係落罐頭，但味道可以再突出d，例如有d店家會落重蒜，有d會落蝦米，老干媽等，令到雪菜浸湯會令湯底變得香濃～同埋肉絲可以切長啲幼啲，先可以同米粉一齊叉入口。比較欣賞隻太陽蛋，煎得岩岩好，灑上黑椒，黑椒好香，唔會攻鼻，有畫龍點睛效果。但就挑剔唔知為左裝飾定係點，加左木魚碎，木魚味濃，其實就霸道地充斥哂成碗米粉味道，完全喧賓奪主，可以唔使落。另外仲配咗蜜糖包，都算鬆軟，上枱嘅時候熱辣辣，但蜜糖嘅味道我略嫌有啲過甜，就算細細舊都覺得好漏，可以試吓其他配料。餐飲我跟咗熱齋啡，比起茶餐廳極酸嘅咖啡好，但都唔算特別，可以用半價優惠叫即磨咖啡，但我就冇叫到。而且見到店面剩係得一個店員，廚房得一個人，都會擔心午市時段會唔會做唔嚟？因為我個早餐一碗米粉，都要等10分鐘，或者佢嘅定位就係比慢活嘅人士？值得一讚嘅係店舖環境好舒服，播住柔和嘅音樂，所
小店開8:00，即係一定唔係target上班族的早餐。見到有all day breakfast，西式扒早餐，亦有沙嗲牛同雪菜肉絲呢類港式早餐。
我係傳統派，就試下雪菜米先！
一般雪菜米應有味道，食得出係自家炒，而唔係落罐頭，但味道可以再突出d，例如有d店家會落重蒜，有d會落蝦米，老干媽等，令到雪菜浸湯會令湯底變得香濃～同埋肉絲可以切長啲幼啲，先可以同米粉一齊叉入口。
比較欣賞隻太陽蛋，煎得岩岩好，灑上黑椒，黑椒好香，唔會攻鼻，有畫龍點睛效果。
但就挑剔唔知為左裝飾定係點，加左木魚碎，木魚味濃，其實就霸道地充斥哂成碗米粉味道，完全喧賓奪主，可以唔使落。
另外仲配咗蜜糖包，都算鬆軟，上枱嘅時候熱辣辣，但蜜糖嘅味道我略嫌有啲過甜，就算細細舊都覺得好漏，可以試吓其他配料。
餐飲我跟咗熱齋啡，比起茶餐廳極酸嘅咖啡好，但都唔算特別，可以用半價優惠叫即磨咖啡，但我就冇叫到。
而且見到店面剩係得一個店員，廚房得一個人，都會擔心午市時段會唔會做唔嚟？
因為我個早餐一碗米粉，都要等10分鐘，或者佢嘅定位就係比慢活嘅人士？
值得一讚嘅係店舖環境好舒服，播住柔和嘅音樂，所以都係一個令人放鬆嘅早餐！
張貼
