影片
更多
2019-10-24
413 瀏覽
近日開始涼返少少又撩起我邊爐的心。同事傾開邊爐就講起呢間樓下火鍋。上網search完認得先前ig follow的某位藝人正正係度慶生。應該會好食？所以就扯咗男友黎食。先講一講總括啦，再講下有咩好食。環境係模仿舊香港，果欄大牌檔既setting，枱櫈地板連男女廁都幾有feel。價錢嚟講唔算平，但食物料足，而且靚料，所以算係值回票價。湯底多款而且都幾有啲都特別，食物有好多係好少店有得食，牛胸尖、黃喉、豬腦呢啲真係完全未食過，直頭未見過有得叫(見識少係咁上下，發現新大陸，但我都只係試咗牛胸尖)。一坐底，侍應先生就遞咗啲saucing choice俾我哋。仲有兩碟仔小食，四季豆同青瓜。講講今餐叫咗咩⁃清甜椰子雞湯底（$158）⁃1渣酸梅湯（$35）⁃手切肥牛 （$268）⁃桂花蚌（$108）⁃牛胸尖（$88）⁃海膽餃子（$88）⁃西班牙豬肉（$82）⁃五寶丸（$82）⁃炸魚皮（$52）⁃黑松露配金菇（$42）⁃唐生菜（$38）（註：兩個人其實叫得有啲多，但咩都想食就變左甘，最後我包底除原本湯料外真係全部落晒肚）唐生菜、金菇、酸梅湯呢啲較普通唔特別講啦，我自己好鐘意黑松露味所以叫咗黑松露配金菇
近日開始涼返少少又撩起我邊爐的心。同事傾開邊爐就講起呢間樓下火鍋。
上網search完認得先前ig follow的某位藝人正正係度慶生。應該會好食？所以就扯咗男友黎食。
先講一講總括啦，再講下有咩好食。環境係模仿舊香港，果欄大牌檔既setting，枱櫈地板連男女廁都幾有feel。價錢嚟講唔算平，但食物料足，而且靚料，所以算係值回票價。湯底多款而且都幾有啲都特別，食物有好多係好少店有得食，牛胸尖、黃喉、豬腦呢啲真係完全未食過，直頭未見過有得叫(見識少係咁上下，發現新大陸，但我都只係試咗牛胸尖)。

一坐底，侍應先生就遞咗啲saucing choice俾我哋。仲有兩碟仔小食，四季豆同青瓜。
講講今餐叫咗咩
⁃清甜椰子雞湯底（$158）
⁃1渣酸梅湯（$35）
⁃手切肥牛 （$268）
⁃桂花蚌（$108）
⁃牛胸尖（$88）
⁃海膽餃子（$88）
⁃西班牙豬肉（$82）
⁃五寶丸（$82）
⁃炸魚皮（$52）
⁃黑松露配金菇（$42）
⁃唐生菜（$38）
（註：兩個人其實叫得有啲多，但咩都想食就變左甘，最後我包底除原本湯料外真係全部落晒肚）
唐生菜、金菇、酸梅湯呢啲較普通唔特別講啦，我自己好鐘意黑松露味所以叫咗黑松露配金菇，主要係多咗碟醬。
桂花蚌爽口彈牙，新鮮無異味。炸魚皮香脆無怪味，其他等我briefly講下。
雖然有好多特別湯底啦，但本人唔太食得辣又唔想太過燥所以揀咗清清哋既椰子雞湯。湯料好足，有好多雞，粟米同椰子片，$158其實唔算貴，因為雞件係全部多肉位嚟，我同男友都覺得雞肉好嫩滑。而且我到最後雖然好飽，但都忍唔住食粟米，因為好甜！
手切肥牛：同出面食既普通肥牛勁唔同，手切較厚身，牛味好濃但較出面實肉有嚼勁，瘦少少既。我自己幾鍾意，但喜歡肥啲既可能反而無咁buy。
牛胸尖🤩
最推介呢道！未食過牛胸尖既我嘩咗出聲！呢碟望落完全唔似牛，白雪雪既野食落有牛味，牛脂既香味但又爽口，係「諗唔倒係咁」既味（又係見識少）而且又唔貴，推介大家試下，係幾有趣既texture。
海膽餃子：你當呢個係肉餃子但加咗海膽既香味，唔記得影入面，但係咬開都見倒好多燈色海膽。
五寶丸🤩
另外推呢個，手打丸好爽口勁勁彈牙，尤其牛筋，墨魚同蝦丸，豬肉丸同鯪魚丸就無咁實既但都好味。但如果本身唔太食鯪魚既人鯪魚果粒要俾人哋食啦，因為手打丸尤其重鯪魚味。
我見有一枱人原本坐低但見餐牌後走咗，可能覺得貴？食完我自己覺得幾值回票價，食材唔錯，價錢質素係成正比既，而且侍應們幾有禮貌，係食得幾開心既一餐。





張貼
