影片
更多
2021-07-11
1240 瀏覽
同朋友食生日飯梗係要食好啲😎於是港女們走左去食fine dining呢間ÉPURE位於尖咀既海港城 location好方便 （雖然我成日係海港城盪失路）但係呢度無論環境定係服務都好唔錯 我地係lunch time果陣去 唔算好多人 不過book定會穩陣啲佢有兩個set可以揀 一個係$558 另一個係$628分別在於平啲果個得一個starter 貴小小果個有兩個但由於我地比較細食 所以揀左平啲果個🤣.🍴吞拿魚中腹呢個係我一開始叫既starter 不過我同朋友都覺得佢有啲腥 以為佢變壞左 所以叫staff換後來先發現係吞拿魚中腹個魚味會比較濃 唔係佢變壞佢地解釋番如果溝埋隔黎既泡食 就會好好多 不過佢地好好 最後俾我㨂過第二個starter 呢個真係好貼心❤️🍴雞油菌菇·大頭菜我最後揀左呢個starter 個汁好好味配落啲菇度好夾 有小小甜甜地咁🍴巴黎白蘑菇湯朋友叫既starter黎不過佢叫完有啲後悔 因為就係個普通既蘑菇湯😂唔係唔好味 不過唔算好特別🍴法國牛扒呢個係朋友叫既 煎出黎既牛扒生熟程度岩岩好同埋牛扒都好淋 唔會話好難咬開 個汁既調味岩岩好 整體唔錯🍴法國藍龍蝦呢個有小小驚喜 開頭
於是港女們走左去食fine dining
呢間ÉPURE位於尖咀既海港城 location好方便
（雖然我成日係海港城盪失路）
但係呢度無論環境定係服務都好唔錯
我地係lunch time果陣去 唔算好多人 不過book定會穩陣啲
佢有兩個set可以揀 一個係$558 另一個係$628
分別在於平啲果個得一個starter 貴小小果個有兩個
但由於我地比較細食 所以揀左平啲果個🤣
.
🍴吞拿魚中腹
呢個係我一開始叫既starter
不過我同朋友都覺得佢有啲腥 以為佢變壞左 所以叫staff換
後來先發現係吞拿魚中腹個魚味會比較濃 唔係佢變壞
佢地解釋番如果溝埋隔黎既泡食 就會好好多
不過佢地好好 最後俾我㨂過第二個starter 呢個真係好貼心❤️
🍴雞油菌菇·大頭菜
我最後揀左呢個starter 個汁好好味
配落啲菇度好夾 有小小甜甜地咁
🍴巴黎白蘑菇湯
朋友叫既starter黎
不過佢叫完有啲後悔
因為
就係個普通既蘑菇湯😂
唔係唔好味 不過唔算好特別
🍴法國牛扒
呢個係朋友叫既 煎出黎既牛扒生熟程度岩岩好
同埋牛扒都好淋 唔會話好難咬開
個汁既調味岩岩好 整體唔錯
🍴法國藍龍蝦
呢個有小小驚喜
開頭好大鄉里 諗緊龍蝦會唔會好難切 食起上黎會麻煩
但佢上枱既時候 已經起好哂肉
佢個汁偏濃小小 但我都食得幾重口味 所以我幾中意
龍蝦肉質都幾實淨 係新鮮既
配埋個汁 都幾好味
🍴梳乎厘
佢係榛子味既梳乎厘黎 同一般既梳乎厘差唔多
都係正正常常 唔會話甜到確喉果種
不過因為我唔特別好呢樣野
都係偷食左朋友既梳乎厘一啖 淺嚐個味就算🤣
🍴朱古力·紅桑子
其實佢上枱果陣 我疑惑左陣佢係咩黎
因為佢係一個包咁 但我一打開佢 先發現佢其實係花瓣既造形
於是我打開左佢再影左張相😎
忽然覺得自己都有啲擺盤天份
呢個反而幾夾 因為紅桑子偏酸 佢個雪糕配埋個朱古力食係岩岩好
中和左朱古力既甜
我自己就幾中意❤️
除左自己揀既甜品 佢仲有啲Macaron 一啖一粒既cake仔 同埋一粒好似金莎既朱古力🤣
我本身唔算太好甜野 所以唔特別評論 會唔公平
但朋友就覺得幾好味
果日係朋友既生日飯 我book枱既時候預先講左想寫朋友個名落生日蛋糕
佢都另外有個正方形既朱古力蛋糕仔 有埋蠟燭
整體黎講野食同服務都唔錯
價錢方面兩個人食左千三定千四左右 冇叫到酒
Lunch黎講呢個價錢小貴 不過間唔時一次都ok既😂
21 瀏覽
0 讚好
0 留言
張貼
