自助山

營業中

休息中

星期五嚟呢度食左個自助午餐，成人$388+10%一位，時間由1200-1430。整體感覺良好，風景當然靚，62樓嘅高度，雖然唔夠ICC嗰邊啲餐廳高，但已經足夠飽覽港島風景，大概一小時轉一個圈，食一餐午餐都可以睇曬香港同九龍嘅風景，裝修過之後環境算唔錯，唯一可以挑剔嘅係地板，不過無傷大雅嘅。食物方面款式唔算勁多，但都分咗幾個區域，熱葷同埋海鮮等等都有，甜品尤其多，熱葷方面值得一讚，全部都熱辣辣同埋質素良好，海鮮方面唔算多少，長腳蟹比較細隻，有東風螺，蝦同埋青口。刺身方面有三文魚、鯛魚、鰹魚同埋八爪魚四款，款式唔算多但全部都好新鮮嘅。服務質素亦都唔錯，去現場冇其他飲品任飲，只係得清水，但都refill得密啲，每人有一杯餐飲，有一位朋友當時離開咗座位，我同侍應講稍後先落嗰位，當朋友一翻到座位，個侍應就唔知邊度立即沖過嚟問嗰位朋友。388嚟講我覺得價錢算合理，值得一試去，另外祇有晚市先有大頭蝦食。