坐忘 (已搬遷) 新店位置

話說，多年前與此友人於首份工認識，誤打誤撞入左呢間小店食野，當時仲係新店，仲記得我地食食下聽到樓面同廚房齊聲大叫 ‘yes!’， 聽到大概係有雜誌約佢地做訪問，當時，我倆都替小店高興!過了約六年後，友誼和小店也在，相約敍舊。期間限定既泡菜廣島蠔定食 ＄85起碼有五，六隻蠔，非常肥美，蠔味膨拜!見唔見 d 蠔汁流出黎 (白色果堆汁)，真係好鮮味! 我倆說笑，要到日本廣島吃蠔了，就此約定。雜菇茄子牛肋咖哩 ＄70非常有牛味，夠淋夠入味，牛肋數量亦有四至五件; 日式口味咖哩，香甜不辣。粟米蕃薯蓉都在飯粒裡，飯粒不算上佳，但絕對對得住價錢。豬軟骨小食 $29炆到骨化肉不化。友人告訴我，原來這店由一對日本夫婦開業，但後來離異了，我倆都體諒著生命的旅程，有時不到自己選擇。總覺得味道比過往差了一點點。踏出小店，微微秋風，心裡很滿足，當天初生之犢，到今天為生活營營役役，彼此沒有各自走遠，很是難得。道別時，友人電話響起，說老爸在醫院正值危險期，我倆匆忙道別便目送他坐的士往醫院了。我明白到珍惜眼前人。祝福。也祝福大家。