影片
更多
2022-04-13
42 瀏覽
感覺日本人也挺愛台灣美食！（其實小編都好愛！😂）唔止珍珠料理百花齊放，連台式肉燥拌麵，引入日本後都演變成別樹一格嘅口味！好似最近東京過江嚟灣仔嘅"Kokoro 麺屋こころ"，主打由日式拉麵配料製作嘅乾拌麵，日台合壁，真係開啟小編嘅味蕾新版圖！麺屋Kokoro暫時提供8款撈麵 + 1款拉麵，價錢由$79至$109，仲有迷你丼飯同各式小食。此外，撈麵仲有兩個size揀，L既麵底喺220g，M就150g，兩者只係差10蚊，切合唔同飯量嘅人需要。個人好鍾意麵條麥香濃郁，煙靭彈牙，掛汁效果好好，據說係跟足日本配方手製，好正！🤤✦ 正宗全料東京撈麵 M HK$99/L HK$109 第一次嚟唔知叫咩好，呢款有齊12款配料嘅全料撈麵就啱晒！配料有叉燒、溫泉蛋、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉及小麥麵…真係超豐富！個人覺得最正係叉燒，彈牙，略帶甜味，豬肉味濃重，拌麵食特別正！✦ 24月熟成芝士撈麵 M HK$99/L HK$109 邪惡之最，一定係呢款芝士撈麵！麵上蓋有一重厚厚嘅24個月熟成芝士，夾起來拌有重重拉絲，真係睇見都心心眼！如嫌太膩，可以加點酸甜嘅玫
4 瀏覽
0 讚好
0 留言
感覺日本人也挺愛台灣美食！（其實小編都好愛！😂）唔止珍珠料理百花齊放，連台式肉燥拌麵，引入日本後都演變成別樹一格嘅口味！好似最近東京過江嚟灣仔嘅"Kokoro 麺屋こころ"，主打由日式拉麵配料製作嘅乾拌麵，日台合壁，真係開啟小編嘅味蕾新版圖！
麺屋Kokoro暫時提供8款撈麵 + 1款拉麵，價錢由$79至$109，仲有迷你丼飯同各式小食。此外，撈麵仲有兩個size揀，L既麵底喺220g，M就150g，兩者只係差10蚊，切合唔同飯量嘅人需要。個人好鍾意麵條麥香濃郁，煙靭彈牙，掛汁效果好好，據說係跟足日本配方手製，好正！🤤
✦ 正宗全料東京撈麵 M HK$99/L HK$109
第一次嚟唔知叫咩好，呢款有齊12款配料嘅全料撈麵就啱晒！配料有叉燒、溫泉蛋、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉及小麥麵…真係超豐富！個人覺得最正係叉燒，彈牙，略帶甜味，豬肉味濃重，拌麵食特別正！
✦ 24月熟成芝士撈麵 M HK$99/L HK$109
邪惡之最，一定係呢款芝士撈麵！麵上蓋有一重厚厚嘅24個月熟成芝士，夾起來拌有重重拉絲，真係睇見都心心眼！如嫌太膩，可以加點酸甜嘅玫瑰露果醬，平衡返個油膩感。👍🏻
✦ 明太子忌廉撈麵 M HK$89/L HK$99
小編係明太子fans，所以最愛係呢款撈麵…！
好足料嘅明太子忌廉呢！ 鹹香得嚟帶有少少辣，好惹味！為中和忌廉嘅膩感，店家仲有一兜細細嘅秘製香醋，適當加少少，撈麵味道更有層次感呢！
✦ 咖哩炸雞撈麵 M HK$89/L HK$99
咖哩炸雞可以話係日本嘅經典料理，以乾拌麵嘅形式上，效果又幾特別！咖哩汁平均掛喺撈麵上，食上口香濃惹味，感覺不錯。此外，個人覺得炸雞幾正，外香內Juicy，沾咖哩汁食更正！
✦ 沖繩海鹽雪糕 HK$36
呢款沖繩海鹽雪糕真係不得了，我哋一行4人都表示大滿足！店家採用沖繩海鹽及北海道3.7牛乳製作，海鹽嘅鹹味，突出牛奶雪糕嘅香甜幼滑口感，好高質！
✦ 香脆雞翼 HK$36
店家好貼心咁製成單骨雞翼送上，方便食用！味道是ok的，不過相對雪糕，呢款小食就無咩特別。
✦ 餃子(4件) HK$36
餃子皮薄多肉，水準都唔錯，正常發揮。
張貼
