麺屋こころ (軒尼詩道)

營業中

休息中

香港區要揾好食拉麵的確好多但以撈麵專門店打響名堂應該得一間今次黎到灣仔KOKORO Tokyo Mazesoba真心令我眼前一亮有別於一般拉麵店呢到裝修白雪雪好新潮好年輕餐廳內部牆上掛咗好多精美嘅畫作有一種去咗畫廊嘅感覺本來一場嚟到係想試吓佢哋嘅特色撈麵佢哋招牌有成10幾種配料性價比好高好啱鍾意多餸嘅人仕點知一個唔小心比佢地雞白湯拉麵吸引咗我全因望到隔黎位食實在有D吸引令到我毫不猶疑揀咗佢試下😌好耐都冇喺香港食到一間雞白湯有咁濃厚嘅泡泡成個湯夠creamy 又夠熱溏心蛋又做得幾好好入味🥰麵條口感係滑身果一種相對比較特別店員話麵條係佢哋每日新鮮自家製相較同區其他拉麵店絕對係好有誠意☺️另外佢哋有啲特色餐飲都係嘅自家品牌不過我就覺得價錢略為有少少貴所以無要到可能茶葉係來自日本啦今次我都比得幾高分非常期待下次過嚟試吓佢地D撈麵👍👍👍

拉面就食得多，東京撈面真係第一次聽就比呢個 gimmick 吸引咗用咗啲時間去決定食邊款，最後決定試咗明太子嗰個先啲料超豐富豬腩，明太子，生蛋黃，蔥花，紫菜碎，水菜，唐辛子絲，生蒜，魚粉，小麥麵官方食法係首先撈勻哂所有嘢然後開吃食咗1/3後落啲黑胡椒再開吃食咗2/3後落啲Kokoro秘製香醋又開吃包您食到不同面貌嘅東京撈麵！淨番最後有啲醬料剩，就加啖免費嘅飯撈埋佢又係另一體驗!鍾意重口味嘅朋友想試新嘢嘅話係唔錯嘅選擇但要留意，平日 lunch time 泥係要排隊的鋪頭本身細間，仲要有人氣所以大家要預好啲時間先泥噢Kokoro Tokyo Mazesoba明太子忌廉撈麵 $99📍灣仔

一定冇下次！食唔夠一個鐘，已經趕人走，但明明我地隔離至少有一張兩人枱係吉嘅，而出面係冇人排隊嘅（臨走時，我喺門口影咗張相，完全冇人）件事係咁嘅：一開始打去book枱嘅時候，餐廳話冇得book，一定要Walk in。咁我同朋友大約12:40到都有位，而入到去都仲有啲吉位，我哋都好疑惑，繁忙時間竟然攞到位，仲覺得開心。但食唔夠一個鐘，差不多1:15，我哋就嚟食完，開始飲水吹下水，侍應就執清張枱（典型香港餐廳趕客走的第一步）。隔咗幾分鐘，侍應直接將張單放喺枱面，明顯催促我哋離開。但係當時我哋隔離仲有一張兩人枱係吉嘅，出面亦都完全冇客人等緊位。咁我哋就冇理，冇走住，繼續飲水抖下。隔多一兩分鐘，個侍應又走埋嚟，問我哋用咩方法俾錢。我真係忍唔住問，「其實我哋食咗一個鐘都唔夠，後面又有吉枱，係咪真係咁趕？」然後我哋都無癮索性起身俾錢走。個侍應仲好意思話，「咁你哋都可以坐多陣嘅」、「一陣間有客係三個人」。我比完錢行出去，門口一個客都冇，而我哋之前打嚟嘅時候，佢又話唔可以book枱，一定要Walk in，咁我想問個三個客人係邊呢？我自問唔係西客，只係難得同朋友食個飯想抖抖，如果真係阻住做生意嘅，我哋都識

灣仔嘅OL們，Lunch time又多個好選擇啦！最近去咗灣仔嘅「麵屋」，佢哋嘅拉麵同飲品都好有特色，啱晒我哋呢啲貪新鮮嘅人！今次主要想推介佢哋嘅鹽味撈麵，個麵質好彈牙，撈埋啲鹽味醬汁，味道好清新，唔會太heavy，啱晒夏天食！上面仲有啲配料，好似叉燒、蔥花咁，增加口感，整體嚟講好balanced。除咗拉麵，佢哋嘅焙茶拿鐵都一定要試！焙茶味好香濃，加埋香滑嘅牛奶，味道好match，飲完成個人都relax晒，下午返工都精神啲！「麵屋」嘅環境都好舒服，簡約日式風格，啱晒同朋友嚟chill下，傾下計。如果你喺灣仔返工或者行街，不妨嚟「麵屋」試下佢哋嘅拉麵同飲品！

呢間東京過江龍主打日式撈麵同創意小食，環境簡約明亮🌟，座位闊落唔逼，啱晒想靜靜哋食嘢嘅打工仔～💼今次試咗招牌鹽味撈麵、人氣小食同特色茶飲，即刻同大家分享！📣🌟 鹽味撈麵 🍜 – 簡約中見真章 麵條每日新鮮製，口感煙韌彈牙，鹽味醬汁唔會死鹹，反而突出咗麵條嘅原味，要撈勻紫菜碎、蔥花等🌿🌟 單骨脆雞翼 🍗 – 送酒神級小食 即叫即炸熱辣辣上枱🔥，外皮金黃脆到「咔嚓」聲，內裡肉質嫩滑多汁，完全唔乾柴！😋🌟 焙茶拿鐵 vs 抹茶拿鐵☕️ – 茶控雙重享受 - 焙茶拿鐵：炭焙香氣濃郁，奶泡綿滑得嚟唔膩口🥛 - 抹茶拿鐵：茶粉用上日本伊藤園，苦甘平衡唔死甜🍵

最近天氣真係熱到爆💥，想搵啲特別嘢醒醒胃？試吓呢間日本過江龍拉麵店「麺屋こころ」嘅招牌撈麵，絕對係夏日必試之選！🍜✨推介「叉燒撈麵」，跟足日本秘傳三步驟食法，食到層次感爆燈！Step 1️⃣：戳破溫泉蛋，撈勻麵條同肉醬，再加埋香蔥、紫菜、咖喱粉同蒜香，香到令人停唔到口！Step 2️⃣：食到咁上下，加少少福神漬，酸酸地清新解膩，啱曬香港呢種濕熱天氣！Step 3️⃣：最後加甜辣醬，辣中帶甜，食完即刻滿足到飛天！麵底煙韌有彈性，仲帶啲小麥香，唔會有沾麵嗰種食一陣個湯就唔夠熱嘅煩惱，超級貼心！🥢💓食完主食，點可以唔試下佢哋嘅甜品？日本紅豆配雙色蕨餅，口感煙韌又有層次，日式甜品控一試愛上！🍡🍵快啲約埋朋友一齊試吓啦，呢間真係完全值得打卡同回味！📸

好耐冇過嚟食撈麵啦，今日又有點掛住個撈麵味道👅，即刻食返個快閃lunch。撈麵都有勁多款可以揀，諗咗一陣最後點咗個正宗全料東京撈麵，見到個賣相已經好吸引，非常足料，腩肉係厚切，口感都幾腍，肉燥同紫菜嘅份量都幾多，再配埋蔥、鮑片等等，再撈埋隻糖心蛋，真係超級Juice，全部配料都好夠味，又唔會太鹹。飲品：玄米茶烏龍茶呢度嘅飲品用樽裝上，飲落更有味道。另外見到個明太子忌廉撈麵都幾吸引，下次可以試吓先！

豆乳白味噌拉麵-野菜呢碗拉麵真係不得了！個湯底用豆乳同白味噌打成，濃郁得嚟又唔會太膩，飲落去好順滑，仲有陣陣豆香添！麵質彈牙，掛湯能力一流，每啖都食到湯嘅精華。啲野菜份量十足，新鮮爽脆，同個濃湯好夾，食完成個人都暖笠笠，好滿足！烏龍茶食拉麵點少得杯凍烏龍茶？佢哋嘅烏龍茶茶味清香，唔會太澀，冰涼解渴。鹽味撈麵呢個撈麵真係有驚喜！麵條夠晒彈牙，鹽味調得剛剛好，唔會太鹹，仲有啲蔥花同紫菜絲增加口感同香味。簡單但好食🤤

今次已經係我第三次食呢間來自東京嘅麺屋こころ。之前都係食佢嘅經典原味，今次試下佢哋咖喱炸雞撈麵，都係跟足日本店秘傳三步驟食法🤤🍜 咖哩炸雞撈麵炸雞外脆內嫩，配埋啲配菜成個好豐富！我今次都係跟足佢個官方食法，首先戳破溫泉蛋撈埋個麵，撈埋肉醬，香蔥，紫菜，咖哩粉，蒜香，真係超邪惡！食到咁上下加啲福神漬，好解膩醒胃 ！最後加甜辣醬中和返個辣度，好食！平時佢有得免費加飯，好好食㗎，不過我今次冇加，太飽🤣🤣🥟 炸雞皮餃子炸雞皮餃子一向都係我最鍾意食嘅！完全係雞皮代替餃子皮嘅神作！咬開爆曬肉汁，點埋沙律醬真係不得了！

見到呢間餐廳有熔岩芝士撈麵，身為芝士控嘅我，即刻坐低咗！溶岩芝士撈麵 🧀️ 個芝士濃郁好濃，拌落啲麵度香到不得了！麵條有嚼勁又夠彈牙，個芝士拉絲拉到停唔到手 😍 濃香中又帶啲微微嘅鹹香，食落口香滑又夠creamy，完全停唔到口呀！單骨脆雞翼 🍗 外脆內嫩，調味入味又唔會太鹹，皮脆到咬落去「卡卡聲」，肉質嫩滑多汁，一啖接一啖～真係做得好好 💯最後個焙茶拿鐵 ☕ 茶香濃郁，啖啖清香同微微苦澀感，但係又唔會蓋過奶香，平衡得啱啱好 👌🏻 飲完真係去晒個油膩感～

係灣仔做完嘢夜晚同朋友約咗食屋酒居晏就去咗食拉麵🍜 一條龍嘅日本day💖🇯🇵嗌咗溶岩芝士撈麵 一嚟到芝士香氣撲鼻🧀 上面仲有隻生食用蛋黃 仲有肉醬同蔥花 撈埋一齊食 味道豐富🥢即使係芝士肉醬但食落唔漏 麵條都好煙韌 口感滑溜 係啱啱好掛汁唧程度 唔知大家有冇食過油揚烏冬！呢到有即製拉麵版！朋友見到即刻嗌咗🤣🤣油揚豆乳白味噌拉麵 都係呈乳白色 飲落係豆乳x味噌嘅結合 味道濃郁 而油揚浸落湯底好似海綿咁好好吸收晒湯底🧽 一咬開啲湯汁就湧出嚟(˶‾᷄ ⁻̫ ‾᷅˵)仲嗌咗抹茶拿鐵 茶味濃郁同牛奶融合得好好 順滑冇粉感 🍵

今晚過咗灣仔做嘢，順便去咗呢間拉麵店醫肚。講真，呢間日本過江龍拉麵店我都幫襯過幾次㗎啦！最近天氣開始熱辣辣，比起飲湯麵，反而更想食返碗濃味嘅撈麵醒醒胃。🧀熔岩芝士撈麵🍜一上枱就已經睇到流口水！啲芝士嘅奶香味撲鼻而來，個賣相真係冇得頂。肉碎鹹香得嚟又唔會太過火，啲油脂分佈啱啱好。紫菜碎脆卜卜，我即刻撈勻佢，趁紫菜仲脆嗰陣食，真係過癮到震！再加埋新鮮蔥花同流心蛋黃，一啖食落去，層次豐富到呢～ 🍵日本手沖烏龍茶茶味清香唔會太濃，飲落好舒服。食完碗邪惡嘅芝士撈麵之後飲返啖，即刻解膩又清爽，罪惡感都即刻減半咁濟！ 總括來講，呢個組合係熱天食撈麵嘅絕配，下次再嚟一定會encore！

林生試咗兩款最經典嘅撈麵🍜正宗全料東京撈麵 ($109+20加麵）
麵底好煙韌，帶小麥香，撈麵真係解決咗沾麵食一陣就變凍嘅問題。料好多，糖心蛋煮得啱啱好，亦唔會太鹹。不過太多料撈一齊，味道有啲亂，最後反而冇咩特別突出，下次未必會再叫。🍜明太子忌廉撈麵😋 （$99）
麵底差唔多，但明太子好足料，撈咗咁多嘢都仲食到濃濃嘅Creamy明太子，我成日覺得食到紫蘇葉嘅清香（不過望落似from水菜），真係有驚喜，好清爽，加咗醋之後，成碗食晒都唔膩，幾正！兩款官方都建議後加黑胡椒同醋去提香。我覺得加醋真係令胃口大開，但黑胡椒對我嚟講就冇咩特別。佢話剩餘嘅汁可以撈飯，兜飯係幾少（豉油碟咁大兜🤣）。不過通常食到最後都冇咩汁剩，除非真係唔夠飽，唔係我就唔加飯啦。

今次試咗幾款超正嘅食物，真係一口咬落去就令人心情大好！🤤 一齊嚟睇下呢三樣嘢有咩特別之處啦！---**單骨脆雞翼** 外脆內嫩，咬落去嘅時候，啤啤聲真係超級過癮！配上特製醬汁，味道更加升華，根本停唔到口！🍗✨ ---**抹茶拿鐵** 呢杯抹茶拿鐵色澤靚，味道亦非常濃郁！抹茶香氣四溢，加上奶泡嘅滑順，飲落去好舒服，真係唔想停手！☕️🍵 ---**鹽味撈麵** 鹽味撈麵簡單但好味，麵條彈牙，鹽味適中，食完之後唔會覺得膩，仲可以配埋其他小食一齊食，真係好過癮！🍜👌 ---總結嚟講，呢三款食物都好值得一試，無論係聚餐定係自己一個人食，都會令你開心滿足！

麺屋こころ (軒尼詩道) (灣仔)灣仔軒尼詩道68號新禧大廈地下1C號舖今日中午路過呢間人氣爆棚嘅日式撈麵店🤩平時呢度經常大排長龍今日真係好彩唔洗等太耐梗係要入去幫襯一下啦👍我點咗一碗日式叉燒撈麵🍜呢碗麵上面鋪滿咗大量嘅蔥花、紫菜同埋肉碎仲配上一隻亮晶晶✨嘅雞蛋，望落去真係好吸睛啊！👀👀 日式撈麵之所以會咁吸引，原因就在於佢嘅麵煙韌彈牙😎口感超正，唔會好似湯麵咁畀湯浸到啲面腍晒，完全冇嚼勁再講下嗰叉燒 一片片都大大塊🍖肉質鮮嫩多汁，入口即化咬落去嘅感覺真係好正🙌飲品方面，我點咗一支烏龍茶☕🫖呢支烏龍茶茶味香濃 凍冰冰嘅夠哂清涼😍 同個日式撈麵簡直係絕配#日式撈麵#灣仔美食#麵屋#烏龍茶