磯幸 (已結業) 查看

踏入狗年，第一個工作天即與屬狗o既會計姐姐收工去撑枱腳。天口咁凍當然係要留喺公司附近啦，其實早一個星期前已喺網上揀咗間開業冇耐o既「磯幸」食海鮮賀立春。地舖樓底極高，黑木門面配上鮮紅布簾喺夜光下其實都幾搶眼。頂上o既三把大風扇彷彿正要告知食客店內抽氣如何強勁。步入餐廳，右手邊可見圍繞著師傅大舞台o既吧枱。眼見型男師傅帶著藍色手套處理魚鮮，未食已感衛生。原本二人被安排入座門後o既厚墊梳化式卡位。但因七旬會計小姐話凍凍，哥哥仔聽到即主動調咗我地入後方o既合拼式散座，友善o既態度實在誠懇。細佬訂位時已問清楚開瓶費為$150一樽，有感收費合理，所以就喺屋企攞咗枝限量版日本清酒慶祝狗年到臨。小肥本來有心一試「二人前套餐」，後因會計姐姐一句話唔想食龍蝦及吉列豬扒，結果就任佢發辦點菜。蟹肉櫻花蝦雜菜沙律（$95）：真係估唔到一家細小o既日本料理都會選用咁精緻o既搖籃靚碗承載沙律菜式。請恕細佬膚淺，因單憑外表沙律當真已值滿分。沙律鮮美爽脆，簡單以蟹肉同櫻花蝦點綴即同時增添清甜及香脆。燒明太子（$85）：燒至橙紅o既明太子有青瓜墊底，連同中央o既蘿蔔蓉，十件明太子薄片砌到成朵花咁靚，從擺盤已經睇得出師傅