麻辣香鍋

營業中

休息中

平時經開都好想食，今晚一於搵個喜歡食辣野嘅朋友，一齊食番餐至得。由於坐近廚房，可以聽到傳來炒菜的聲響，真係鑊氣十足。食川菜，點可以唔叫香鍋，首先點左香辣海鮮鍋，香鍋非常足料，鍋中有大量的辣椒🌶️調料，感覺很辣的樣子，但食落又唔係好辣。食材就有一隻中蟹、2隻入味鮑魚、外殼炒得香脆嘅爽彈鮮蝦、沒有沙的蜆，同埋好柔軟彈牙嘅魷魚鬚，熟度煮得剛剛好，份量多又好入味，若配多碗飯就啱晒。喜歡食雞的老友點左籐香雞，醬汁香濃有些小辣味，雞肉都香滑，味道唔錯☺️。小食要左個酸辣木耳同涼拌黃金皮蛋，木耳爽脆夠晒酸辣味道。皮蛋個樣很靚，真係金黃色的，兼且晶瑩剔透，點埋青辣醬，辣得黎又好爽皮😄。飲品要左百香果檸檬茶同酸梅湯，2者酸酸地幾開胃，解辣又解渴。