胡爐 (已結業)

朋友同我都好鍾意烚吓烚吓，喺尖沙咀行完街好累，要食好西先。行行下黎到厚福街，見到個水牌邊爐幾吸引，一於上去試試佢。上到去間餐廳座無虛席，場面好熱鬧。明顯見到間餐廳設計用心，好多中式嘅裝修、擺設同璧畫，令我更加期待呢度嘅打邊爐同其他地方有咩唔同呢🤔友人長期冇住家飯食、無湯飲，見到個濃湯花膠雞煲湯底，嗌黎補下先。個鍋底一如所料咁正，真材實料，個湯好鮮甜，雞件嫩滑，花膠好黏口厚身，加埋d菜索曬d湯，好好味停唔到口。趁未落其他料前飲兩碗湯先，又健康又養生。主食豪d叫左手切牛頸脊，食落牛味濃，有咬口，唔錯，亦叫左隻海蟹，可能啱季節，鮮甜同大隻，而且好新鮮。驚唔夠飽，我地重叫左份雲吞，d蝦大隻爽口，好正！今晚朋友好滿意，位置方便，服務又好，下次一定要試埋其他湯底先!