影片
更多
2021-01-22
35 瀏覽
呢日幫屋企人係上環買完野🛍之後經過呢間幾有酒吧風格既漢堡包店，身為漢堡包🍔愛好者既我當然唔會想錯過啦🤩.漢堡包店內有唔少高檯座位🪑，不過目前因為疫情關係佢地只做外賣🥡 比較特別既係佢地既7款漢堡可以飛包轉做沙律🥬，岩晒低碳/生酮飲食既朋友🤗正如店名，呢度除左主打既漢堡仲有供應4款手工意粉🍝，星期一至五11-5點單點食物加18蚊可以升級揀薯條🍟/薯角配芝士醬 / 蕃茄芝士沙律🥗 / 4件日式炸雞🍗同埋飲品🥤，另外仲有2 / 4 / 10人套餐，價錢分別係278，548 同1288蚊，加埋全天候外賣自取滿80蚊就有8折優惠🈹，以中上環地段黎講價錢都算係幾划算🧐******************************🍴Set for 2 ($278)✨薯條配車打芝士醬🧀🍟 (單點 $35)套餐可以揀薯條或者係薯角，而芝士醬就可以揀車打芝士/藍芝士🧀個人認為車打芝士醬既味道唔算特別濃郁，不過因為薯條面頭有芝士粉，芝士味都幾豐富；薯條🍟就外脆內軟，比快餐店食到既再粗身少少🤏🏻；至於份量就唔算太多，鐘意食薯條既朋友可能會未必夠喉🤣-✨150g薄切西冷漢堡配砵酒洋蔥醬 (橡木煙燻車打芝士) 🥩🍔
呢日幫屋企人係上環買完野🛍之後經過呢間幾有酒吧風格既漢堡包店，身為漢堡包🍔愛好者既我當然唔會想錯過啦🤩
.漢堡包店內有唔少高檯座位🪑，不過目前因為疫情關係佢地只做外賣🥡 比較特別既係佢地既7款漢堡可以飛包轉做沙律🥬，岩晒低碳/生酮飲食既朋友🤗
正如店名，呢度除左主打既漢堡仲有供應4款手工意粉🍝，星期一至五11-5點單點食物加18蚊可以升級揀薯條🍟/薯角配芝士醬 / 蕃茄芝士沙律🥗 / 4件日式炸雞🍗同埋飲品🥤，另外仲有2 / 4 / 10人套餐，價錢分別係278，548 同1288蚊，加埋全天候外賣自取滿80蚊就有8折優惠🈹，以中上環地段黎講價錢都算係幾划算🧐
******************************
🍴Set for 2 ($278)
✨薯條配車打芝士醬🧀🍟 (單點 $35)
套餐可以揀薯條或者係薯角，而芝士醬就可以揀車打芝士/藍芝士🧀
個人認為車打芝士醬既味道唔算特別濃郁，不過因為薯條面頭有芝士粉，芝士味都幾豐富；薯條🍟就外脆內軟，比快餐店食到既再粗身少少🤏🏻；至於份量就唔算太多，鐘意食薯條既朋友可能會未必夠喉🤣
-
✨150g薄切西冷漢堡配砵酒洋蔥醬 (橡木煙燻車打芝士) 🥩🍔 (+$15，單點 $105)
西冷漢堡呢個組合聽落都幾特別，客人可以選擇150g或者200g份量，套餐既話就要額外補多15 / 65蚊💰
呢款漢堡🍔既配料有青瓜🥒、生菜🥬同蕃茄🍅，西冷🥩經過薄切食落唔韌，150g既份量都幾澎湃😮 值得一讚既係店員事前有主動詢問返漢堡要唔要幫手切開一半🔪，share食既話就更加方便🤗
至於砵酒洋蔥醬隱約會食到酒香🍷但唔會過濃，美中不足既係醬汁偏少以致漢堡食落未算太juicy，如果可以多返d醬汁就更加好啦😣
-
✨120g經典芝士漢堡 (中味車打芝士)🧀🍔 (單點 $85)
當日選擇困難症發作，店員就推介左呢款經典芝士漢堡💁🏻♀️，仲話佢同西冷漢堡都係店內頗受歡迎既item⭐️
雖然漢堡既油脂味無想像中既咁濃郁，勝在肉質嫩滑，加埋漢堡下面帶有焦糖香甜味既洋蔥🧅同車打芝士🧀，味道令人開胃又夠juicy，個人就比較喜歡呢款漢堡😋
-
✨日式炸雞🍗 (4件) (單點 $35)
套餐包兩款小食，可以揀蕃茄芝士沙律 / 日式炸雞 / 脆炸蝦棒 / 意式肉丸 / 香脆雞翼
金黃色既日式炸雞🍗賣相討好，外層酥脆可口而內層雞肉🐔肉質鮮嫩無比，值得推介👍🏻
另外店家亦會附上獨立包裝既Heinz蛋黃醬，有誠意得黎又夠衛生💗
-
✨脆炸蝦棒🍤 (2件) (5件單點 $68)
個人認為脆炸蝦棒同樣值得推介，佢既口感比大部分日式餐廳食到既炸蝦天婦羅🍤更加爽口彈牙，加上蝦味🦐濃郁，完全係意料之外既出色👏🏻
-
✨飲品🥤(自選兩款)
套餐包既罐裝飲品除咗大路既罐裝可樂同雪碧之外，仲有雀巢檸檬茶 / 梳打水 / ginger ale / 咖啡，亦可選擇即磨咖啡☕️ / 茶包茶🍵
另外仲可以加25蚊轉士多啤梨🍓/朱古力🍫/雲呢拿雪糕奶昔🍹，或者加55蚊轉手工啤酒🍺，選擇都幾多🤔
******************************👧🏻人均消費：$120
😋味道指數：3.8/5
💰抵食指數：3.8/5
🪑環境指數：3.8/5
💁🏻♀️服務指數：3.8/5
👍🏻再訪指數：3.5/5
-
📍 La Casa Burger & Pasta
地址：上環文咸東街2號地舖
⏰營業時間：11:00–21:00 (Mon–Fri)；
12:00–20:30 (Sat)；
🅞🅕🅕 (Sun & Public Holiday)
張貼
