影片
更多
2023-08-14
776 瀏覽
隔左好耐好耐 我終於都再去食到omakase今次試間新野 喺銅鑼灣蘭芳道嘅HIRU omakase以白色日式簡約做主題 雖然鋪頭細細 但都空間感十足 晚餐想食飽D 就叫左「露」$1600唔係平但食物都幾特別同質素高首先嚟緊嘅係漬物 幾好食幾開胃啵 最中意個牛蒡同蒜跟住嘅蟹肉蕃茄仔 廚師提我地食左個蕃茄仔先蟹肉好鮮甜又唔乾 最得意係d花係可以拆埋出黎食 又多一個層次跟住就係鯛魚刺身 鮮味突出 有少少入口即溶而吞拿魚卷裡面夾左d瓜 口感豐富唔好睇小個櫻煮培茶八爪魚唔知係咪櫻煮 所以八爪魚唔會煮到韌左 但又好入味個培茶味就雖然唔係好出 但個Aftertaste就幾勁天婦羅方面 小茄子同日本蕃薯就不過不失而抹茶鹽嘅調味就恰到好處池魚刺身口感鮮嫩 估唔到日本野會用上洋蔥汁 感覺幾特別蜆肉水雲個蜆肉好肥美 特別在佢加左D類似山藥蓉嘅野喺面 令到個水雲多多種口感日本真蠔真係嚇親 勁大隻勁長真蠔鮮味十足 一隻已經令人好滿足肝汁鮑魚幾得意 鮑魚煮得嫩口同夠鮮甜不在話下用左肝汁嚟調味呢件事好邪惡 仲好貼心咁擺左少少飯喺隔離同肝汁撈埋嚟食 好似食緊蟹膏撈飯咁鹿兒島A5和牛上面加左特製嘅脆脆醬 一啖食落去好惹
今次試間新野 喺銅鑼灣蘭芳道嘅HIRU omakase
以白色日式簡約做主題 雖然鋪頭細細 但都空間感十足
晚餐想食飽D 就叫左「露」$1600
唔係平但食物都幾特別同質素高
首先嚟緊嘅係漬物 幾好食幾開胃啵 最中意個牛蒡同蒜跟住嘅蟹肉蕃茄仔 廚師提我地食左個蕃茄仔先
蟹肉好鮮甜又唔乾 最得意係d花係可以拆埋出黎食 又多一個層次
跟住就係鯛魚刺身 鮮味突出 有少少入口即溶
而吞拿魚卷裡面夾左d瓜 口感豐富
唔好睇小個櫻煮培茶八爪魚唔知係咪櫻煮 所以八爪魚唔會煮到韌左 但又好入味
個培茶味就雖然唔係好出 但個Aftertaste就幾勁
天婦羅方面 小茄子同日本蕃薯就不過不失
而抹茶鹽嘅調味就恰到好處
池魚刺身口感鮮嫩 估唔到日本野會用上洋蔥汁 感覺幾特別蜆肉水雲個蜆肉好肥美 特別在佢加左D類似山藥蓉嘅野喺面 令到個水雲多多種口感
日本真蠔真係嚇親 勁大隻勁長真蠔鮮味十足 一隻已經令人好滿足
肝汁鮑魚幾得意 鮑魚煮得嫩口同夠鮮甜不在話下用左肝汁嚟調味呢件事好邪惡 仲好貼心咁擺左少少飯喺隔離
同肝汁撈埋嚟食 好似食緊蟹膏撈飯咁
鹿兒島A5和牛上面加左特製嘅脆脆醬 一啖食落去好惹味
不容錯過嘅仲有龍蝦天婦羅小弟我才疏學淺真係完全未聽過出面有龍蝦天婦羅
啲龍蝦肉鮮嫩 外脆內軟
石垣貝壽司同喜知次壽司 (即係kinki) 都帶有獨特風味
食Omakase通常都有嘅海膽小手卷呢道用左馬糞海膽 特別鮮甜
螺片湯有海水鮮味 新鮮螺片仲好嫩同有味唔會因為煮湯而無晒味
最後 以黑糖蕨餅同靜岡蜜瓜作結 兩者都帶出不同嘅甜蜜滋味
張貼
