影片
更多
2023-06-09
204 瀏覽
當日下午收到餐廳嘅電話，表示個爐壞咗所以提供唔到黑松露玻璃燒鵝，但由於係同一班長輩食飯，所以最後都冇更改地點。結果去到原來係乳豬冇，叉燒冇，炸雞都冇🙄一行8人點咗2個套餐：- 豐盛宴 $2,888招牌即燒乳豬(冇)轉為原條燒牛肋條，牛味好重，半肥瘦嘅肉質，入口一啲都唔會覺得油膩，大概有20片份量翡翠帶子珊瑚蚌珊瑚蚌肉質爽口，但帶子就唔太新鮮仲帶有雪味懷舊蝦多士伴沙律菜招牌名菜果然有一定水準，彈牙嘅蝦膠配鬆脆嘅多士，點上沙律醬真係冇得頂金蒜銀絲蒸蟶子皇蟶子好新鮮同大隻，肉質肥厚，蒸嘅時間啱啱好，唔會太老，鋪上粉絲同蒜蓉索滿湯汁，粉絲先係最好食紅燒花膠竹笙燴翅足料但味道比較清淡清蒸虎杉斑魚肉鮮味嫩滑，目測大約有一斤半以上，蒸魚嘅火候同時間控制得啱啱好蠔皇鮮鮑伴玉掌鮑魚同鵝掌各6隻，個個都大讚鮑魚新鮮彈牙又大隻生炸黃油雞(冇)轉為姬松茸滑雞煲，不太推薦呢碟餸，雞肉又老又冇味味大富豪炒飯蟹子配上菜粒蛋白炒飯，炒飯粒粒分明，乾身，試咗一啖但實在太飽，只好打包神燈美點轉為牛乳布甸，奶香味好重，推介👍🏻- 招牌名菜盛宴 $1,688伊比利亞叉燒皇(冇)轉為杏香海老丸，大大粒嘅蝦丸外皮包滿杏仁片，令口
一行8人點咗2個套餐：
- 豐盛宴 $2,888
招牌即燒乳豬(冇)
轉為原條燒牛肋條，牛味好重，半肥瘦嘅肉質，入口一啲都唔會覺得油膩，大概有20片份量
翡翠帶子珊瑚蚌
珊瑚蚌肉質爽口，但帶子就唔太新鮮仲帶有雪味
懷舊蝦多士伴沙律菜
招牌名菜果然有一定水準，彈牙嘅蝦膠配鬆脆嘅多士，點上沙律醬真係冇得頂
金蒜銀絲蒸蟶子皇
蟶子好新鮮同大隻，肉質肥厚，蒸嘅時間啱啱好，唔會太老，鋪上粉絲同蒜蓉索滿湯汁，粉絲先係最好食
紅燒花膠竹笙燴翅
足料但味道比較清淡
清蒸虎杉斑
魚肉鮮味嫩滑，目測大約有一斤半以上，蒸魚嘅火候同時間控制得啱啱好
蠔皇鮮鮑伴玉掌
鮑魚同鵝掌各6隻，個個都大讚鮑魚新鮮彈牙又大隻
生炸黃油雞(冇)
轉為姬松茸滑雞煲，不太推薦呢碟餸，雞肉又老又冇味味
大富豪炒飯
蟹子配上菜粒蛋白炒飯，炒飯粒粒分明，乾身，試咗一啖但實在太飽，只好打包
神燈美點
轉為牛乳布甸，奶香味好重，推介👍🏻
- 招牌名菜盛宴 $1,688
伊比利亞叉燒皇(冇)
轉為杏香海老丸，大大粒嘅蝦丸外皮包滿杏仁片，令口感更加豐富
滋補燉湯
雞腳瘦肉燉白菜瞻
招牌糯米炒膏蟹
招牌名菜之一，勁多蟹膏，底下嘅糯米飯都帶有蟹嘅鮮味
星洲麥皮蝦
亦係招牌名菜，啲蝦好新鮮，肉質彈牙，原來炸麥皮係好好食配上炸蒜非常香口
神燈小炒王
有豆角、油炸鬼、豬頸肉同腰果，味道不錯，若然多加啲配料會更加豐富
生炸黃油雞(冇)
轉為金華麒麟蒸雞，冇咗金華火腿片，啲雞油蒸唔熟，不推介
📍神燈海鮮酒家 (佐敦)
佐敦長樂街14-20號18廣場地下及1樓
人均消費：$600-700
食物：⭐️⭐️⭐️⭐️
環境：⭐️⭐️⭐️
回頭率：⭐️⭐️⭐️⭐️
張貼
