牛魔 (已結業)

上次嚟呢間韓國餐廳，除咗佢哋嘅燒肉好好味之外，我最鍾意嘅仲係佢哋嘅炒烏冬。烏冬上到嚟，非常之大碟，而且入邊有好多豐富嘅配菜。我最鍾意嘅，一定係上邊，香口嘅魷魚酥。而且佢哋嘅另一個小食，櫻花蝦餃子，都非常之唔錯，皮煎得香脆，而且表面撒上好多櫻花蝦，食落去更加有鮮味。加埋飲品，清涼之餘更加解渴。drinks凍飲方面，我哋試咗佢嘅乳酸梳打特飲，同埋鳳梨梳打特飲，我覺得兩樣都各有特色。鳳梨的果味好出，而且底下仲有粒粒果肉，乳酸就酸酸甜甜，都好開胃。