影片
更多
2022-01-15
48 瀏覽
古今二 (尖沙咀)之前食過佢哋嘅觀塘分店，特色卷物真係好吸引，最近仲係尖沙咀就 the one 開咗新分店，好方便就食到。依家仲有晚市自取優惠㗎。龍卷風沙律 $82個名好特別嘅一款沙律，材料有蔬菜、海藻、蟹柳、脆片，有大量嘅蟹柳絲，下面有好多嘅蔬菜同海藻，記得要撈勻先好食，仲會食到啲脆片都幾特別。椒鹽雞腎（2串）$38雞腎好有咬口，外面燒到焦脆，加少少椒鹽已經幾好食。煙花 $88煙花係由壽司飯包住辣味三文魚同芝士，上面再放咗辣味吞拿魚蓉蟹子同脆片整成。呢款卷物鮮味十足，而且口感夠晒特別金龍卷 $95金龍卷嘅上面有片三文魚，而下面就係壽司飯包住炸蝦同芝士，呢款嘅芝士味會重啲，魚味會冇咁重。野菜天婦羅 $78好少見到天婦羅會有炸金針菇，都整得幾靚，另外仲有炸秋葵、雞髀菇、冬菇同番薯，熱辣辣食都仲幾香脆。📍古今二 (尖沙咀)尖沙咀彌敦道100號The ONE5樓502號舖
之前食過佢哋嘅觀塘分店，特色卷物真係好吸引，最近仲係尖沙咀就 the one 開咗新分店，好方便就食到。依家仲有晚市自取優惠㗎。
龍卷風沙律 $82
個名好特別嘅一款沙律，材料有蔬菜、海藻、蟹柳、脆片，有大量嘅蟹柳絲，下面有好多嘅蔬菜同海藻，記得要撈勻先好食，仲會食到啲脆片都幾特別。
椒鹽雞腎（2串）$38
雞腎好有咬口，外面燒到焦脆，加少少椒鹽已經幾好食。
煙花 $88
煙花係由壽司飯包住辣味三文魚同芝士，上面再放咗辣味吞拿魚蓉蟹子同脆片整成。呢款卷物鮮味十足，而且口感夠晒特別
金龍卷 $95
金龍卷嘅上面有片三文魚，而下面就係壽司飯包住炸蝦同芝士，呢款嘅芝士味會重啲，魚味會冇咁重。
野菜天婦羅 $78
好少見到天婦羅會有炸金針菇，都整得幾靚，另外仲有炸秋葵、雞髀菇、冬菇同番薯，熱辣辣食都仲幾香脆。
📍古今二 (尖沙咀)
尖沙咀彌敦道100號The ONE5樓502號舖
張貼
