影片
更多
2011-06-11
22 瀏覽
平日食港式車仔麵，今日來返久違的中環，來返呢間筷子記，別有一番味道。港式車仔麵係豬大腸、蘿蔔、雞翼之類，佢融合咗港式＆澳門餐，除咗呢啲普遍款式，仲有特式澳門嘢，例如澳門魚羹、魚肉炸春卷、包心卷等，喺第二度未見過。而佢可以揀湯麵，又可以揀撈麵，麵底亦有多款可以揀，麵汁又有唔同款式，好似洋蔥汁、沙嗲汁咁。我今日就係食魚羹＆魚肉春卷洋蔥汁撈麵，魚羹好好味，春卷略嫌太燶，而配料嫌太少又細舊；洋蔥汁唔知點解會甜，係咪澳式呢？不過其實佢餐牌有寫｛洋蔥汁（帶甜）｝；可以加辣，我揀咗中辣，但中辣其實都幾辣，睇相都見到辣油都幾重手，唔太食得辣唔好叫，我平日都幾食得辣，但今日實在太熱，出面32度，呢度又逼，冷氣又唔夠，仲衰過政府要求25.5度，其實同開風扇無分別，所以我都係撈咗少少辣，其他辣油撇開一邊。十二點幾開始出面開始排隊，因為太熱關係，我食食下會停一停，又會禁下i phone咁，啲侍應成日mon住，明明見到仲有嘢食嘢碟度，佢都想趕人走咁，問仲要唔要，我話要，佢聽唔到，竟然動手收碟，我再講多次要佢先放返枱度；真係食完啦，飲緊奶茶，佢又再問啲嘢來晒未咁，勁摧人走囉～不過中環區係咁咖啦～
港式車仔麵係豬大腸、蘿蔔、雞翼之類，佢融合咗港式＆澳門餐，除咗呢啲普遍款式，仲有特式澳門嘢，例如澳門魚羹、魚肉炸春卷、包心卷等，喺第二度未見過。而佢可以揀湯麵，又可以揀撈麵，麵底亦有多款可以揀，麵汁又有唔同款式，好似洋蔥汁、沙嗲汁咁。
我今日就係食魚羹＆魚肉春卷洋蔥汁撈麵，魚羹好好味，春卷略嫌太燶，而配料嫌太少又細舊；洋蔥汁唔知點解會甜，係咪澳式呢？不過其實佢餐牌有寫｛洋蔥汁（帶甜）｝；可以加辣，我揀咗中辣，但中辣其實都幾辣，睇相都見到辣油都幾重手，唔太食得辣唔好叫，我平日都幾食得辣，但今日實在太熱，出面32度，呢度又逼，冷氣又唔夠，仲衰過政府要求25.5度，其實同開風扇無分別，所以我都係撈咗少少辣，其他辣油撇開一邊。
十二點幾開始出面開始排隊，因為太熱關係，我食食下會停一停，又會禁下i phone咁，啲侍應成日mon住，明明見到仲有嘢食嘢碟度，佢都想趕人走咁，問仲要唔要，我話要，佢聽唔到，竟然動手收碟，我再講多次要佢先放返枱度；真係食完啦，飲緊奶茶，佢又再問啲嘢來晒未咁，勁摧人走囉～不過中環區係咁咖啦～
張貼
