菊月町 (已搬遷) 新店位置

今次同朋友黎到公司附近既菊月町，食刺身同壽司。侍應嘅態度好好，會同我地介紹今日有咩新鮮嘅食材，我哋揀咗個拖羅丼同12貫月壽司。刺身飯嘅飯好特別，唔係白米，而係酸酸甜甜、有少少蔬菜碎既飯底，拖羅方面，大拖羅係最好食嘅！啲魚嘅肉質好肥美，有入口即溶嘅感覺，其他拖羅就正正常常。至於壽司方面，我個人鍾意食三文魚腩同帆立貝壽司，呢兩樣都非常新鮮，其他就不過不失。基本上嗌兩樣嘢都已經夠食，呢度嘅份量對兩個女仔黎講都非常足夠，最後我同朋友都食到好飽咁走。環境方面都幾寧靜同乾淨，位置闊落，同朋友黎小聚一下啱晒！值得一提嘅係鋪面嘅裝修同埋擺設都幾有心，好有真係係日本食緊壽司既感覺。