神燈海鮮酒家 (18廣場)

營業中

休息中

📍神燈海鮮酒家 (佐敦)中秋揀咗呢間新派中菜館做節，菜式特別之餘味道都唔錯。啲燒味好有料到！✨蜜汁脆燒鱔 $268肉質爽彈，魚骨燒到卜卜脆。醬汁味道好甜，冇想像中咁似叉燒，反而似BBQ蜜糖。✨即燒牛魔王叉燒 $268叉燒油脂分佈平均，口感有啲似和牛燒肉。味道香甜，仲有少少焦香。✨黑松露玻璃燒鵝 $148燒鵝預先經過燻製，鵝皮好重黑松露香氣，但唔會係黑松露醬嘅濃味。鵝肉結實但易咬，有少少脂肪更加香。✨碧綠炒蝦球 $138蝦球爽彈鮮甜。西芹爽脆冇咩渣，又唔會有青味。✨鮑汁花菇玉掌煲 $158鵝掌炆得又腍又入味。花菇厚身又爽口。鮑汁味道鮮甜濃郁。